Ammasco Radio90.7 FM · Gaskiya Tushen NasaraAMMASCO RADIO NEWSROOM
Gwamnatin Tarayya ta amince da wani shirin gaggawa na tattalin arziki na tsawon kwanaki 90, da nufin rage tsadar rayuwa da sauƙaƙa wa ’yan Najeriya wahalhalun tattalin arziki.
Wata Babbar Kotun Shari’a a Jihar Kano ta umarci rundunar ’yan sanda da ta gudanar da bincike kan zarge-zargen haɗa baki wajen aikata laifi, cin zarafi, tsoratarwa da kuma rushe dukiya ba bisa ƙa’ida ba da ake yi wa Muazu Abdullahi-Gwarzo, ɗan majalisar wakilai mai wakiltar mazaɓar Gwarzo/Kabo a Majalisar Tarayya.
Mazauna ƙauyen Birnin Tudu da ke ƙaramar hukumar Gummi a Jihar Zamfara, sun ce sun kashe sama da ’yan bindiga 30 a wani artabu da ya ɗauki tsawon kwanaki uku, bayan da wasu mahara ɗauke da makamai suka kai wa al’ummar yankin hari.
Shugaban Najeriya, Bola Ahmed Tinubu, da shugabannin jam’iyyar APC, za su ƙaddamar da yaƙin neman sake zaɓensa a jihar Kaduna ranar Asabar, yayin da jam’iyyar mai mulki ke ƙara ƙaimi wajen neman goyon bayan al’umma a Arewacin ƙasar.
Daga gidaje zuwa manyan masana'antu, daga ƙananan 'yan kasuwa zuwa asibitoci da makarantu, matsalar wutar lantarki na ci gaba da shafar kusan kowane fanni na rayuwa a Najeriya
Tsohon Mataimakin Shugaban Ƙasa, Atiku Abubakar, ya buƙaci gwamnatin Shugaba Bola Tinubu ta yi bayanin yadda aka kashe kuɗaɗen da aka ware domin shirin tunkarar cutar Ebola, tare da yin tambayoyi kan lokacin da aka ɗauka kafin tabbatar da bullar cutar.
Babbar kotun jihar Yobe ta samu Abubakar Musa, mai shekaru 45, da laifin kashe matarsa, Ammi Mamman, a Damaturu a shekarar 2024
Shugaban Amurka ya bayyana cewa za a iya samun matsaya kan takun saƙar da ke tsakanin ƙasashen biyu nan ba da jimawa ba, yayin da Pakistan da Rasha ke ƙoƙarin shiga tsakani.
IOM ta yi gargaɗin cewa ambaliyar ruwa na iya tilasta wa dubban iyalai barin gidajensu tsakanin Oktoba da Disamba, yayin da hukumar ke fuskantar ƙarancin kuɗaɗen agajin gaggawa.
Kwamitin gudanarwar masallacin ya ce matsalar ta shafi yadda limamin ke tattauna harkokin siyasa da tara mutane a harabar masallacin.
NDLEA ta ce ta rusa masana’antun sarrafa methamphetamine guda huɗu a jihohin Ogun, Oyo, Enugu da Ebonyi, yayin da Marwa ya buƙaci Amurka ta ci gaba da tallafa wa hukumar.
Gwamnan Kano ya yaba da gudunmawar tsohon gwamnan wajen ci gaban jihar, duk da tsamin dangantakar siyasa da ya shiga tsakaninsu bayan sauya shekar Abba zuwa APC.
Mataimakin Firaministan Rasha, Alexander Novak, ya ce ana kammala takardun yarjejeniyar samar da man, yayin da ake sa ran ƙarin jigilar man fetur zuwa Amurka a nan gaba.
Gwamnatin Tarayya ta ce matar da aka tabbatar ta kamu da cutar tana killace kuma tana samun kulawar likitoci, yayin da hukumomin lafiya suka fara bin diddigin mutanen da suka yi hulɗa da ita.
Hukumar Hana Sha da Fataucin Miyagun Ƙwayoyi ta Ƙasa (NDLEA), reshen Jihar Jigawa, ta haɗa gwiwa da Ƙungiyar ’Yan Jarida ta Ƙasa (NUJ) wajen gudanar da tattakin wayar da kan jama’a kan illolin shaye-shaye da kuma dabar siyasa.
Rundunar Operation Haɗin Kai ta ce hare-haren sama bakwai da ta kai tsakanin 10 zuwa 18 ga Oktoba 2026 sun kashe mayakan ta’addanci 103 tare da lalata wuraren ajiyarsu da kayayyakin sufuri a Arewa maso Gabas.
Gwamnatin Jihar Kaduna ta tabbatar da cewa za ta ci gaba da tallafa wa Malam Ahmed Abubakar Zakka, matarsa Nafisah da ’yarsu Fatima bayan sun samu ’yancinsu, inda ta yi alƙawarin samar musu da gida tare da ɗaukar nauyin dukkan kuɗaɗen jinyarsu.
Wakilin dindindin na Nijeriya a Majalisar Ɗinkin Duniya, Jimoh Ibrahim, ya ce karɓar daftarin kasafin kuɗin ya zama tarihi, yana mai cewa shi ne karo na farko cikin shekaru 66 da shugaban ƙasar ya karɓi irin wannan takarda.
Hukumomi sun ce kyama da rashin fahimtar cutar tarin fuka na hana wasu marasa lafiya neman magani a kan lokaci, yayin da rashin tsaro da ƙarancin magunguna ke ƙara kawo cikas ga yaƙi da cutar.
Shugaban Najeriya, Bola Ahmed Tinubu, ya amince da sayen ƙarin taragon jiragen ƙasa da na’urorin tsaro na zamani domin inganta sufurin jiragen ƙasa da yaƙi da laifuka, ciki har da fashi da makami, garkuwa da mutane da lalata layin dogo.
