Ammasco Radio 90.7 FMAmmasco Radio90.7 FM · Gaskiya Tushen Nasara
KANO, NIJERIYAEnglish

AMMASCO RADIO NEWSROOM

local

local

Kwara ta farfado da cibiyoyin kiwon lafiya 100, ta dauki ma’aikatan lafiya 1,000

Gwamnatin Jihar Kwara ta kara kaimi wajen inganta harkar kiwon lafiya matakin farko ta hanyar farfado da cibiyoyin Primary Health Care (PHC) 100 tare da daukar fiye da ma’aikatan lafiya 1,000 a fadin jihar. Babbar Sakatariyar Hukumar Kula da Cibiyoyin Kiwon Lafiya na Matakin Farko ta jihar Kwara, Nusirat Elelu, ta bayyana hakan a wani taron tattaunawa da al’umma da aka gudanar a Ilorin, inda aka samu halartar masu ruwa da tsaki daga kananan hukumomi 16 na jihar. A cewar wata sanarwa da aka fitar ranar Asabar daga Kakakin hukumar, Bukola Abdulganiyu, an shirya taron ne domin karfafa hadin kai t

Muhammad Sa'id

local

Fiye da mahajjata miliyan 1.5 sun isa Saudiyya domin aikin Hajji

Fiye da mahajjata miliyan 1.5 daga kasashe daban-daban sun isa kasar Saudiyya domin gudanar da aikin Hajjin bana, lamarin da ya zarce adadin bakin hajjin da suka halarci aikin hajji daga kasashen waje a shekarar 2025. Wani jami’in Saudiyya ya bayyana hakan yayin wani taron manema labarai, inda ya ce duk da rikice-rikicen da suka faru a yankin Gabas ta Tsakiya, mahajjata sun ci gaba da tururuwa zuwa kasar domin sauke farali. Rahotanni sun nuna cewa rikicin da ya biyo bayan hare-haren da Amurka da Isra’ila suka kai kan Iran a watan Fabrairu ya haddasa matsaloli a harkar zirga-zirgar jiragen sama

Muhammad Sa'id

local

Babbar Kotun Tarayya ta yi jimamin rasuwar alkalin Kano

Babbar Kotun Tarayya ta Najeriya ta sanar da rasuwar daya daga cikin alkalanta masu zaman kansu, Mai shari’a Mohammed Yunusa na bangaren shari’a na Kano. Daraktar yada labarai ta kotun, Catherine-Oby Christopher, ce ta bayyana hakan a wata sanarwa da aka fitar a Abuja ranar Asabar. Sanarwar ta ce Mai shari’a Yunusa ya rasu ne ranar Alhamis bayan gajeriyar rashin lafiya a Cibiyar Kiwon Lafiya ta Jihar Kano. An kuma bayyana cewa an riga an yi masa jana’iza bisa koyarwar addinin Musulunci. Kotun ta bayyana marigayin a matsayin fitaccen masani a harkar shari’a wanda ya yi aiki da kwarewa, gaskiya

Muhammad Sa'id

local

Shugabannin jam’iyyar ADC na kasa sun koka kan yadda jami’an hukumar ICPC suka hana su ganin Nasir El Rufai

Shugabannin jam’iyyar ADC na kasa sun koka kan yadda jami’an hukumar ICPC suka hana su ganin Nasir El Rufai, yayin wa ziyar da suka kai inda ake tsare da shi. Tawagar ADC wadda ta kunshi sakataren jam’iyyar Rauf Aregbesola da Sakataren yada labaran jam’iyyar Bolaji Abdullahi da kuma Salihu Lukman, sun ziyarci El Rufai domin tattaunawa kan wasu batutuwa, amma basu samu damar ganin El Rufai ba. A martanin da ta fitar, hukumar ICPC ta ce kotu bata bawa ‘yan siyasa da abokan El Rufai damar ganinsa a inda yake tsare ba.

azubairu (legacy byline)

local

Kungiyar Shugabannin ƙananan hukumomi ALGON reshen jihar Kaduna ta karyata rahoton jaridar Sahara Reporters da ya yi zargin gwamnatin jihar na wawure kuɗaɗen ƙananan hukumomi tare da hana su amfani da kudaden gudanar da ayyuka.

Shugaban ALGON na Jihar Kaduna Muhammad Jamilu Abubakar Albani ne ya bayyana hakan ta cikin wata sanarwa da ya sanyawa hannu. Sanarwar ta ce babu gaskiya a rahoton da Sahara Reporters ta wallafa cewa shugabannin kananan hukumomi na karbar kasa da naira miliyan 25 duk wata duk da tarin kudaden da ake turo musu daga gwamnatin tarayya. Ya ce gwamnatin Kaduna ta samar da tsarin biyan albashi ta hanyar fasahar zamani na e-payment tare da tabbatar da biyan albashi, fansho da sauran hakkokin ma’aikata kai tsaye bisa hukuncin kotun koli na cin gashin kan kananan hukumomi. Kungiyar ta kuma bukaci Sahar

Muhammad Sa'id

local

Mai bawa Gwamnan Jihar Oyo shawara ta musamman kan harkokin tsaro Abayomi Fagbenro ya musanta sako mutanen da sace a harin da aka kai makarantu uku a Karamar Hukumar Oriire a ranar Juma’ar da ta gabata

Mai bawa Gwamnan Jihar Oyo shawara ta musamman kan harkokin tsaro Abayomi Fagbenro ya bayyana cewa rahotannin da ke yawo a kafafen sada zumunta dake cewa an sako mutanen da aka sace a harin da aka kai makarantu uku a Karamar Hukumar Oriire a ranar Juma’ar da ta gabata ba gaskiya ba ne. Harin da aka kai makarantun ya yi sanadiyar mutuwar akalla mutum biyu tare da sace kusan malamai da ɗalibai 30. Tun daga daren ranar Laraba, rahotannin ke cewa an sako malamai da ɗaliban da aka sace a harin. Sai dai da yake zantawa da manema labarai game da tabbatar da sahihancin labarin, mai bawa gwamanan shawa

Muhammad Sa'id

local

Gwamnan jihar Kaduna, Uba Sani, ya lashe tikitin takarar gwamna na jam’iyyar APC a zaɓen 2027

Gwamnan jihar Kaduna, Uba Sani, ya lashe tikitin takarar gwamna na jam’iyyar APC a zaɓen 2027 A wata sanarwa da gwamnatin jihar ta fitar, ta ce ya zama ɗantakarar jam'iyyar ne bayan samun kuri’un amincewa daga wakilan jam'iyyar a yayin zaɓen fitar da gwani da aka gudanar a yau Alhamis. Ta ce an gudanar da zaɓen fitar da gwanin ne a gaban jami’an hukumar zaɓe ta INEC. Shugaban kwamitin gudanar da zaɓen Hon. Hafiz Ibrahim Kawu, ya ce an gudanar da zaɓen cikin lumana.

Muhammad Sa'id

local

Kungiyar malaman makarantun sakandare da firamare ta kasa (NUT) ‎, ta bayyana matukar damuwa kan yadda hare-haren ‘yan bindiga da masu garkuwa da mutane ke kara kamari a makarantu

Kungiyar malaman makarantun sakandare da firamare ta kasa (NUT) ‎, ta bayyana matukar damuwa kan yadda hare-haren ‘yan bindiga da masu garkuwa da mutane ke kara kamari a makarantu, tana mai gargadin cewa hakan na iya tilasta malamai janye ayyukansu idan gwamnati ba ta dauki matakin gaggawa ba. ‎A wata sanarwa da shugaban kungiyar na kasa, Audu Amba, tare da babban sakataren kungiyar suka sanyawa hannu, kungiyar ta ce makarantu sun daina zama wuraren koyarwa cikin kwanciyar hankali, inda suka koma filin hare-haren ‘yan bindiga da ‘yan ta’adda. ‎Kungiyar ta bayyana hare-haren a matsayin abinda y

Muhammad Sa'id

local

Kwalejin Kimiyya da Fasaha ta Jihar Kano ta rantsar da ɗalibai sama da 5,000

Kwalejin Kimiyya da Fasaha ta Jihar Kano ta rantsar da ɗalibai sama da 5,000, wanda suka fara daukar darasi domin a zangon karatu na shekarar 2025/2026. A yayin bikin da aka gudanar ranar Laraba, shugaban kwalejin, Dakta Abubakar Umar Farouk, wanda Injiniya Dakta Ibrahim Usman Aikawa ya wakilta, ya bukaci sabbin ɗaliban da su rungumi kyawawan ɗabi’u da manufofin makarantar da suka haɗa da gaskiya, ƙwarewa, ladabi, kirkire-kirkire da kuma mutunta juna. Ya kuma ƙarfafa musu gwiwa da su mayar da hankali wajen karatun su tare da amfani da lokacin su yadda ya kamata domin cimma nasara a rayuwa. A w

Muhammad Sa'id

local

Hukumar Zabe ta kasa INEC reshen Jihar Kano Za Ta Gudanar da Zaɓen Cike Gurbi na dan majalisar wakilai a Ƙananan hukumomin Dawakin Kudu da Warawa.

Hukumar Zabe ta kasa INEC reshen Jihar Kano Za Ta Gudanar da Zaɓen Cike Gurbi na dan majalisar wakilai a Ƙananan hukumomin Dawakin Kudu da Warawa. Hakan ya biyo bayan rasuwar dan majalisar yankin a kwanakin baya. Hukumar ta sanar da hakan ne yayin wani taron manema labarai da ya gudana a shelkwatar hukumar da ke Kano. Shugaban hukumar zaɓe ta jihar Kano, Abdu A. Zango, ya ce zaɓen zai gudana a ranar 20 ga watan gobe kamar yadda hukumar ta tsara. Wakilinmu Rabiu Ahmad Kofar Mazugal ya rawaito mana cewa tuni hukumar ta fara dukkan shirye-shiryen da suka dace, ciki har da ɗaukar ma’aikatan wucin

Muhammad Sa'id

local

Gwamnan kano Injiniya Abba Kabir Yusuf ya kai ziyarar duba yadda aikin titin yankin Farm Centre ke gudana

Gwamnan Jihar Kano, Abba Kabir Yusuf, ya kai ziyarar duba yadda aikin sake gina hanyoyin cikin birni ke gudana a yankin Farm Centre da ke cikin birnin Kano. Ziyarar wadda ta gudana a ranar Laraba, 20 ga watan Mayu 2026, na daga cikin matakan tabbatar da inganci da kuma saurin kammala ayyukan more rayuwa da Gwamnatin jihar ke aiwatarwa domin inganta zirga-zirgar al’umma. A yayin ziyarar Gwamnan ya jaddada kudirin Gwamnatinsa na cigaba da bunkasa ababen more rayuwa musamman hanyoyi, domin saukaka harkokin sufuri da kasuwanci a fadin jihar.

Adamu Abdullahi

local

Rundunar ƴansandan jihar Kano ta ƙaddamar da wani sabon sashen yaƙi da manyan laifuka irin su fashi da makami

Rundunar ƴansandan jihar Kano ta ƙaddamar da wani sabon sashen yaƙi da manyan laifuka irin su fashi da makami, garkuwa da mutane da kuma ƙwacen motoci. Kwamishinan ƴansandan jihar, Ibrahim Adamu Bakori ne ya ƙaddamar da sashen, mai suna: ‘Violent Crime Response Unit’ (VCRU), a ranar Litinin. Ya bayyana cewa an kafa rundunar ce bisa umarnin Sufeto-Janar na ƴansanda, Olatunji Rilwan Disu, da kuma tanadin dokar ƴansanda ta shekarar 2020. Ya ce rundunar zata yi aiki ne bisa tattara bayanan sirri cikin gaggawa tare da haɗin-kan al’umma domin magance matsalolin tsaro da ke ƙaruwa a wasu sassan jihar

azubairu (legacy byline)

local

Rundunar Soji da haɗin gwiwar Joint Task Force da Operation Hadin Kai sun samu nasarar daƙile wani hari a yankin Arewa maso Gabas

Rundunar Sojin Najeriya ta ce dakarun haɗin gwiwarta na Joint Task Force tare da Operation Hadin Kai sun samu nasarar daƙile wani hari mai ƙarfi da aka shirya kai wa a yankin Arewa maso Gabashin ƙasar, yayin ayyukan tsaro da suke gudanarwa a yankin. Rundunar ta ce sojojin nata sun kuma kama wasu da ake zargi da taimaka wa masu tayar da ƙayar baya da kuma ceto waɗanda aka yi garkuwa da su. A cewar sanarwar da rundunar ta fitar, harin da dakarun da ke sansanin FOB Gajibo suka daƙile, ana zargin cewa mayaƙan Boko Haram/ISWAP ne suka shirya kai harin inda suka taho da babura daga fannoni daban-dab

Adamu Abdullahi

local

Nijeriya ta tsaurara sa ido kan cutar Ebola bayan mutuwar mutane 88 a Congo

Hukumar Kula da Cututtuka Masu Yaɗuwa ta Nijeriya (NCDC) ta sanar da tsaurara matakan sa ido da bincike a dukkan iyakokin ƙasar da filayen jiragen sama, domin hana cutar Ebola shigowa Nijeriya. Babban Daraktan NCDC, Dr. Jide Idris, ya bayyana hakan a cikin wata sanarwa ranar Lahadi. Ya ce hukumar tana ƙara sanya ɗakunan bincike cikin shirin ko-ta-kwana, da shirin hana yaɗuwar cutar, da wayar da kan jama’a a duk faɗin ƙasar. Matakin ya biyo bayan ayyana cutar Ebola a Jamhuriyar Dimokuraɗiyyar Congo (DRC) da makwabciyarta Uganda a matsayin "babbar matsala ta lafiya da ta shafi duniya baki ɗaya"

azubairu (legacy byline)

local

Dele Momodu na jam’iyyar ADC ya bayyana cewa, dole su haɗa kai maimakon rarrabuwa a kan kayar da Tinubu a zaɓen 2027

Jigo a jam'iyyar ADC Dele Momodu ya bayyana hakan ne yayin wata hira da gidan talabijin na Channels. Inda ya ce, muddin ‘yan adawa na son kayar da Tinubu a 2027, dole su haɗa kai maimakon rarrabuwa a doron yanki-yanki. Dele Momodu ya shawarci ‘yan takarar Kudu irin su Goodluck Jonathan, Peter Obi da Seyi Makinde da su zauna su cimma matsaya kan ɗan takara guda domin gujewa raba ƙuri’un Kudu. Momodu ya jaddada cewa tsarin maslaha (consensus) shi ne mafi dacewa idan har ‘yan adawa suna son kafa hamayya mai ƙarfin da za ta kayar da Tinubu a zaɓen 2027

azubairu (legacy byline)

local

An Buɗe Sabon Sashen Bin Doka Domin Bunƙasa Tattara Haraji

Hukumar Tara Haraji ta Jihar Kano, ta ƙaddamar da sabon ginin ofisoshin sashen bin doka da tabbatar da biyan haraji domin inganta aikin ma’aikata da Ƙarfafa tsarin tattara haraji a fadin jihar. Sshugaban hukumar, Dakta Zaid Abubakar, ne ya bayyana hakan yayin bikin Ƙaddamar da ginin da aka gudanar jiya Talata. Ya ce samar da sabbin ofisoshin na daga cikin ƙoƙarin hukumar na samar da ingantaccen wajen aiki ga ma’aikata domin ƙara musu ƙwarin gwiwa wajen gudanar da ayyukansu yadda ya kamata. Shugaban hukumar ya ƙara da cewa sabon ginin zai taimaka wajen inganta tsarin bin diddigi da tabbatar da

Muhammad Sa'id

local

Ma'aikatar Ilimi Ta Kano Ta Fitarda Tsarin Hutun Babbar Sallah Ga Makarantu

Ma’aikatar Ilimi ta Jihar Kano ta sanar da hutun Babbar Sallah ga dukkan makarantun firamare da sakandire na gwamnati da masu zaman kansu a fadin jihar. Hakan na kunshe ne cikin wata sanarwa da Daraktan Wayar da Kai na ma’aikatar, Musbahu Aminu Yakasai, ya sanya hannu yau Laraba. Sanarwar ta bayyana cewa daliban makarantun kwana za su fara hutu daga ranar Asabar 23 ga watan Mayun da muke ciki , sannan su koma makaranta ranar Lahadi 31 ga watan Mayun. Daliban jeka ka dawo kuwa, za su fara hutun ne daga ranar Juma’a 22 ga watan Mayun, tare da komawa makaranta ranar Litinin 1 ga watan Yuni mai zu

Muhammad Sa'id

local

An Dakatar da Wani Waje Da Ake Zargin Ana Sarrafa Gurbataccen Man Gyada a Bompai.

Hukumar Karɓar Ƙorafe-ƙorafe da Yaƙi da Cin Hanci da Rashawa ta Jihar Kano, tare da haɗin gwiwar jami’an lafiya da tsaftar muhalli, sun fara bincike kan wasu mutane da ake zargi da sarrafa gurbataccen man gyada a titin Mai Malari Bompai kusa da Ramin Ranji a Birnin Kano. Shugaban hukumar, Comrade Sa’idu Yahaya, ya ce jami’an hukumar sun kai samame wurin tare da dakatar da ci gaba da sarrafa man har sai an kammala bincike domin kare lafiyar al’ummar Jihar Kano. Shugaban hukumar ya ce bayan samun sahihan bayanan sirri, jami’an sun kai sumame wurin tare da kama kayayyakin da ake amfani da su, yay

Muhammad Sa'id

local

Rundunar ’Yan Sandan ƙasar nan ta cafke wasu mutane biyu da ake zargi da haɗa baki wajen sace wani dattijo a Jihar Kaduna domin neman kuɗin fansa, tare da ƙwato bindiga ƙirar AK-47.

Rundunar ’Yan Sandan ƙasar nan ta cafke wasu mutane biyu da ake zargi da haɗa baki wajen sace wani dattijo a Jihar Kaduna domin neman kuɗin fansa, tare da ƙwato bindiga ƙirar AK-47. Wannan na cikin sanarwar da Jami’in Yaɗa Labaran Rundunar, DCP Anthony Okon, ya fitar jiya Talata. Sanarwar ta ce bincike ya nuna cewa Yusuf Rabo, ya haɗa kai da Musa Adamu da Ali Haruna, wanda shi ne jikan dattijon, domin sace mahaifinsa bisa zargin cewa yana da dukiya da dabbobi masu yawa. Binciken ya kuma gano cewa an sace dattijon har sau biyu, inda aka karɓi kuɗin fansa naira miliyan biyu a karon farko da kuma

Adamu Abdullahi

local

Rundunar ’yan sandan jihar Yobe ta kama wasu mutane da ake zargi da aikata laifuka daban-daban

Rundunar ’yan sandan jihar Yobe ta kama wasu mutane da ake zargi da aikata laifuka daban-daban tare da kwato babur da saniyar sata a wasu samame da ta gudanar a Garin Alkali da ke karamar hukumar Bursari. ‎A wata sanarwa da kakakin rundunar, SP Dungus Abdulkarim, ya fitar, ya ce jami’an rundunar sun kama wani mutum mai suna Abubakar Haruna mai shekaru 30 daga Lafiya Lamurde a jihar Adamawa, wanda ake zargi da kwarewa wajen satar babura a kasuwanni da wuraren taruwar jama’a. ‎ ‎ ‎Bayan faruwar lamarin, wasu mutane sun bi sawunsa domin kama shi, inda a yayin gudun tsira ya buge wani dattijo mai

Muhammad Sa'id