Ammasco Radio 90.7 FMAmmasco Radio90.7 FM · Gaskiya Tushen Nasara
KANO, NIJERIYAEnglish

AMMASCO RADIO NEWSROOM

politics

politics

INEC ta kara wa'adin mika sunayen 'yan takara a zaben 2027

Hukumar Zaɓe Mai Zaman Kanta ta Ƙasa (INEC) ta sanar da tsawaita wa’adin gabatar da sunayen ‘yan takarar shugaban ƙasa da na ‘yan majalisar dokokin tarayya domin babban zaɓen shekarar 2027 da karin kwanaki uku. A wata sanarwa da hukumar ta fitar ranar Lahadi, ta ce sabon wa’adin zai ƙare da ƙarfe 12:00 na dare ranar Talata, 14 ga Yuli, 2026, maimakon ranar Asabar, 11 ga Yuli, 2026 da aka tsara tun farko. Sanarwar, wadda shugaban kwamitin wayar da kan masu kaɗa ƙuri’a na INEC, Mohammed Kudu Haruna, ya sanya wa hannu, ta bayyana cewa an ɗauki wannan mataki ne bayan ƙorafin da ƙungiyar Inter-Part

Sultan Bello

politics

Kwankwaso ya mayar wa Ali Modu Sheriff martani kan kalamansa game da Peter Obi

Tsohon Gwamnan Jihar Kano kuma jagoran tafiyar Kwankwasiyya, Rabiu Musa Kwankwaso, ya soki tsohon Gwamnan Jihar Borno, Ali Modu Sheriff, kan ikirarinsa cewa Peter Obi ba shi da ƙarfin samun goyon baya a Arewacin Najeriya. A wata sanarwa da ya wallafa a shafinsa na X, Kwankwaso ya ce kalaman Sheriff ba su yi daidai da hakikanin siyasar Arewa ba, yana mai tunatar da cewa Obi ya samu kusan ƙuri'u miliyan 2.8 a Arewa a zaɓen shugaban ƙasa da ya gabata. Ya kuma ce matsalolin tattalin arziki da tsaro da ake fuskanta, tare da abin da ya kira gazawar gwamnatin APC, sun ƙara wa haɗakar tikitin OK ƙarfi

Sultan Bello

politics

"Yunkurin kare Gbajabiamila da Gwamnatin Tinubu takeyi shike nuni karara da gazawarta - Atiku Abubakar

Dan takarar shugaban ƙasa na jam’iyyar ADC, Atiku Abubakar, ya zargi gwamnatin Shugaba Bola Ahmed Tinubu da ƙara jefa kanta cikin abin kunya da shakku a idon jama’a, bisa abin da ya bayyana a matsayin ƙoƙarin kare Shugaban Ma’aikatan Fadar Shugaban Ƙasa, Femi Gbajabiamila, daga zarge-zargen da suka shafi Hukumar PFIPC. A cikin wata sanarwa da mai taimaka masa kan harkokin yaɗa labarai, Phrank Shaibu, ya fitar, Atiku ya ce bayanan da ke cikin Dokar Kasafin Kuɗin 2026 sun nuna abin da ya kira karkatar da manufar kasafin kuɗi, inda aka ware biliyoyin naira domin ayyukan gina hanyoyi a ƙarƙashin H

Sultan Bello

politics

Jam'iyyar ADC a Kano ta sauke shugabanninta tare da naɗa Umar Bala Umar Kwalwa a matsayin sabon shugaban riƙo.

Jam'iyyar ADC a Kano ta sauke shugabanninta tare da naɗa Umar Bala Umar Kwalwa a matsayin sabon shugaban riƙo. "Ɗan Takarar Gwamnan ADC a Kano Na Tallata Asiwaju Bola Ahmed Tinubu" — Naja'atu Bala Muhammad Hajiya Naja'atu Bala Muhammad ta zargi ɗan takarar gwamnan jam'iyyar ADC a Jihar Kano da cewa yana fi mayar da hankali wajen tallata Shugaba Asiwaju Bola Ahmed Tinubu maimakon ya yi aikin bunƙasa da tallata jam'iyyarsa ta ADC. Ta bayyana hakan ne yayin wani taron manema labarai da aka gudanar a Kano, inda ta sanar da sauke shugabannin jam'iyyar ADC na jihar tare da naɗa sabbin shugabannin ri

Adamu Abdullahi

politics

Irin hukunci da kotu ke Yankewa Kan jami'yun Siyasa a Najeriya, na Baraza ga Dimukradiya tare da rage damar adawa - ADC

Mai magana da yawun jam’iyyar, Bolaji Abdullahi, ya bayyana cewa hukuncin na barazana ne ga dimokuraɗiyyar Nijeriya, yana mai cewa irin waɗannan matakai na iya rage damar jam’iyyun adawa a ƙasar. A ranar Juma’a ne kotun ta soke hukuncin da ta yanke a baya wanda ya umarci INEC ta yi wa NDC rajista. Alkalin kotun, Mai Shari’a Isah Dashen, ya ce an yanke hukuncin farko ba tare da haɗa jam’iyyar PMP ba, wadda ta yi ikirarin mallakar tambarin da NDC ke amfani da shi. ADC ta yi kira da a kare ‘yancin bangaren shari’a tare da kauce wa amfani da kotuna wajen raunana jam’iyyun adawa. Jam’iyyar ta ce ci

Adamu Abdullahi

politics

Kotu ta rushe Umarnin yi wa jam'iyar NDC rajistar Zama jam'iya

Babbar kotun tarayya da ke Lokoja ta soke wani hukuncin da ta yanke a baya wanda ya umarci Hukumar Zaɓe ta Ƙasa (INEC) ta yi wa jam'iyyar NDC rajista a matsayin jam'iyyar siyasa. Jaridar Daily Post ta ruwaito cewa alƙalin kotun, Mai Shari'a Isah Dashen, ne ya yanke sabon hukuncin a yau Juma’a. Wannan na zuwa ne kwanaki kaɗan bayan wata Babbar Kotun Tarayya da ke Abuja ta umarci INEC ta yi wa jam'iyyar CDA rajista. A waccan shari'ar, Mai Shari'a Obiora Egwuatu ya umarci INEC da ta bai wa jam'iyyar CDA takardar rajista cikin kwanaki bakwai, bayan yanke hukunci kan ƙarar da Tamunotonye Samuel Sol

Adamu Abdullahi

politics

An Ci Gaba da Kaɗa Ƙuri’a a Zaɓen Gwamnan Jihar Ekiti

Al’ummar Jihar Ekiti da ke yankin Kudu maso Yammacin Najeriya sun fara kaɗa ƙuri’unsu a zaɓen gwamna da ake gudanarwa domin zaɓar wanda zai jagoranci jihar na tsawon shekaru huɗu masu zuwa. Tun da safiyar ranar zaɓen ne masu jefa ƙuri’a suka fara tururuwa zuwa rumfunan zaɓe domin amfani da haƙƙinsu na zaɓen shugabanni. Rahotanni sun nuna cewa ‘yan takara 14 ne ke fafatawa a zaɓen, ciki har da gwamna mai ci, Biodun Oyebanji, wanda ke neman wa’adi na biyu a kan karagar mulki. Haka kuma, zaɓen ya ja hankali saboda kasancewar huɗu daga cikin ‘yan takarar sun zaɓi mata a matsayin mataimakansu, lama

azubairu (legacy byline)

politics

INEC Ta Fara Raba Kayan Zaɓe Gabanin Zaɓen Cike Gurbi na Sanatan Rivers South East

Hukumar Zaɓe ta Ƙasa ta Independent (INEC) a Jihar Rivers ta fara rarraba kayan zaɓe don zaɓen ƙari na Majalisar Dattawa na Gundumar Kudu Gabas ta Jihar Rivers, da za a gudanar a ranar Asabar 20 ga watan Yuni. A yayin rarraba kayan a ofishin Babban Bankin Najeriya (CBN) da ke Port Harcourt, Kwamishinan Zaɓe na Jihar Rivers, Johnson Alalibo Senikien, ya tabbatar da cewa zaɓen zai kasance mai 'yanci, adalci da bayyananne.  Jam'iyyu huɗu na siyasa ne ke shiga zaɓen ƙarin da za a yi a cikin ƙananan hukumomi bakwai, inda aka samu jimillar masu rijista na jefa ƙuri'a 858,573 a wuraren zaɓe 1,629. Z

azubairu (legacy byline)

politics

Kotu Ta Umarci INEC Da Ta Cire ADC Daga Jerin Jam’iyyun Siyasa

Wata Babbar Kotun Tarayya da ke Abuja ta umurci Hukumar Zaɓe Mai Zaman Kanta ta Ƙasa (INEC) da ta soke rajistar jam’iyyar ADC da wasu jam’iyyu huɗu, bisa zargin gaza cika sharuɗan da kundin tsarin mulkin ƙasa ya tanada. Mai Shari’a Peter Lifu ne ya yanke hukuncin, inda ya bayyana cewa jam’iyyun ba su samu kaso mafi ƙaranci na ƙuri’un da doka ta tanada a zaɓukan da suka gabata ba. Jam’iyyun da hukuncin ya shafa sun haɗa da ADC da Accord da AA da APP da kuma ZLP. Kotun ta ce jam’iyyun sun karya tanade-tanaden sashe na 225 na kundin tsarin mulkin Najeriya. Haka kuma, kotun ta umarci INEC da kada

azubairu (legacy byline)

politics

Kwankwaso ya yi barazanar ficewa daga jam'iyar NDC

Hakan yabiyo bayan da jam’iyyar NDC ta cire wasu daga cikin ’yan takarar da tsagin Kwankwasiyya ya gabatar a Kano, tana mai cewa an karya yarjejeniyar da aka yi kan rabon mukamai da tikitin takara. Shugaban NDC na Kano, Hussaini Isah Mairiga, ya bayyana cewa an yi sauyin ne domin a bi yarjejeniyar da aka cimma tsakanin jam’iyyar da Kwankwasiyya. A cewar jam’iyyar, an amince cewa Kwankwasiyya za ta samu kashi 60% na mukamai da tikitin takara, yayin da tsofaffin ’yan jam’iyyar za su samu kashi 40%. Sauye-sauyen sun shafi wasu ’yan takarar Majalisar Wakilai da kuma na Majalisar Dokokin Jihar Kano

Adamu Abdullahi