AMMASCO RADIO NEWSROOM

top stories

Gwamnatin Kano Ta Miƙa Takardun Mallakar Filaye Ga Masu Bai Wa Gwamna Shawara da Masu Ɗauko Rahoto

Gwamnatin Jihar Kano ta miƙa takardun mallakar filaye (Certificate of Occupancy – C of O) ga masu bai wa gwamna shawara da kuma masu ɗauko rahoto daga ma'aikatu, a wani biki da aka gudanar a Coronation Hall da ke Gidan Gwamnatin Kano. Bikin ya samu halartar manyan jami'an gwamnati da kuma waɗanda suka amfana da shirin. Da yake jawabi a wajen taron, Kwamishinan Ƙasa da Tsare-tsare na Jihar Kano, Abduljabbar Muhammad Umar , ya ce gwamnatin jihar ta aiwatar da shirin ne domin cika alƙawarin da Gwamna Abba Kabir Yusuf ya ɗauka ga mukarraban gwamnatinsa. Ya bayyana cewa an gudanar da aikin tantance

azubairu (legacy byline)

Oluremi Tinubu Ta Nemi Tallafin Saudiyya Don Faɗaɗa Ilimin Almajirai

Matar Shugaban Ƙasa, Sanata Oluremi Tinubu , ta yi kira ga Masarautar Saudiyya da ta tallafa wa Najeriya wajen faɗaɗa damar samun ilimin zamani ga almajirai da yaran da ba sa zuwa makaranta, tana mai cewa hakan zai taimaka wajen rage matsalolin rashin tsaro da inganta makomar ƙasar. Oluremi Tinubu ta bayyana hakan ne yayin da ta karɓi baƙuncin Jakadan Saudiyya a Najeriya, Yousef Mohammed Al-Balawi , a Fadar Shugaban Ƙasa da ke Abuja. Ta ce akwai buƙatar ƙara ƙarfafa haɗin gwiwa tsakanin Najeriya da Saudiyya domin inganta tsarin ilimin almajirai ta hanyar haɗa karatun addinin Musulunci da ilimi

azubairu (legacy byline)

Tsagin Kabiru Turaki na PDP Ya Miƙa Sunan Jonathan Ga INEC a Matsayin Ɗan Takarar Shugaban Ƙasa na 2027

Tsagin jam'iyyar PDP ƙarƙashin jagorancin Kabiru Turaki ya sanar da cewa ya miƙa sunan tsohon shugaban ƙasa, Goodluck Jonathan , ga Hukumar Zaɓe Mai Zaman Kanta ta Ƙasa (INEC) a matsayin ɗan takararsa na shugaban ƙasa a zaɓen shekarar 2027 . Kakakin kwamitin riƙon ƙwaryar tsagin, Ini Ememobong , ne ya bayyana hakan yayin wani taron manema labarai da aka gudanar a Abuja. A cewarsa, rikicin shugabanci da ya dabaibaye jam'iyyar PDP bayan hukuncin Kotun Ƙoli ne ya sa aka kafa kwamitin riƙon ƙwarya domin tafiyar da harkokin jam'iyyar da kuma gudanar da muhimman ayyukanta. Tsagin ya jaddada cewa shi

azubairu (legacy byline)

top stories31 Yul, 2026

Mun Ƙi Musanya Fursunoni Da Masu Garkuwa Da Ɗaliban Oyo

Shugaban Ƙasa Bola Ahmed Tinubu ya bayyana cewa gwamnatin tarayya ta ƙi amincewa da buƙatun masu garkuwa da mutanen da suka sace ɗalibai da malamai a hare-haren da aka kai makarantu uku a jihar Oyo a ranar 15 ga Mayu . A cewarsa, maimakon yin sulhu da masu garkuwa ko biyan kuɗin fansa, gwamnati ta mayar da hankali ne kan aikin ceto ta hanyar amfani da bayanan sirri da haɗin gwiwar jami’an tsaro . Tinubu ya bayyana hakan ne a karon farko tun bayan da aka ceto ɗalibai da malamai 39 a ranar 10 ga Yuli , yayin da yake ganawa da tawagar sarakunan gargajiya daga jihar Oyo a Abuja. Shugaban ƙasar ya

azubairu (legacy byline)

top stories31 Yul, 2026

Biyan Bashi Ne Ke Laƙume Kuɗaɗen Da Aka Tara Bayan Janye Tallafi – Ministan Kuɗi

Ministan Kuɗin Najeriya, Taiwo Oyedele , ya bayyana cewa mafi yawan kuɗaɗen da gwamnati ta samu bayan cire tallafin man fetur da gyaran tsarin canjin kuɗaɗen waje suna tafiya ne wajen biyan bashin gwamnati da kuma gudanar da ayyukan gwamnati da suka ƙaru. Ya bayyana hakan ne yayin da ake ci gaba da muhawara kan tasirin sauye-sauyen tattalin arzikin da gwamnatin Shugaba Bola Ahmed Tinubu ta fara aiwatarwa tun a shekarar 2023, waɗanda suka haifar da hauhawar farashin kayayyaki da tsadar rayuwa ga al'umma. Da yake jawabi a taron African Emerging Markets Forum da aka gudanar a Abuja, Oyedele ya ce

azubairu (legacy byline)

top stories31 Yul, 2026

Uwa ta nemi adalci kan zargin jami'in NDLEA da yi wa 'yarta mai shekara takwas fyaɗe

Mahaifiyar wata yarinya mai shekara takwas ta buƙaci a tabbatar da adalci bayan zargin cewa wani jami'in Hukumar Yaƙi da Sha da Fataucin Miyagun Ƙwayoyi ta Ƙasa (NDLEA) ya yi wa 'yarta fyaɗe a Jihar Bauchi. Lauyan mai shigar da ƙara, Barista Alƙasim Mohammed , wanda ke wakiltar ƙungiyar African Child Development and Human Right Protection , ya bayyana cewa mahaifiyar yarinyar na damuwa da jinkirin gurfanar da wanda ake zargi a gaban kotu. A cewar lauyan, lamarin ya faru ne lokacin da aka aika yarinyar sayo ruwan leda a gidan maƙwabcinsu, inda ake zargin wani jami'in NDLEA mai suna Muhammad Mus

azubairu (legacy byline)

top stories31 Yul, 2026

Kotu ta yanke wa wata amarya hukuncin kisa kan kashe angonta a Kano

Babbar Kotun Jihar Kano da ke kan titin Miller ta yanke wa wata sabuwar amarya, Saudat Idris , hukuncin kisa ta hanyar rataya , bayan ta same ta da laifin kashe mijinta, Salisu Idris , kwanaki tara kacal bayan ɗaurin aurensu. Da take yanke hukuncin, Mai Shari'a Maryam Sabo ta ce kotun ta gamsu cewa masu gabatar da ƙara sun tabbatar da tuhumar da ake yi wa wadda ake zargi ba tare da wata shakka ba. Alƙaliyar ta bayyana cewa hujjojin da lauyan gwamnatin jihar, Barista Lamido Abba Soran Ɗinki , ya gabatar, ciki har da shaidun mutane biyu da suka ba da shaida a gaban kotu, sun tabbatar da laifin k

azubairu (legacy byline)

top stories31 Yul, 2026

Tsohon Mataimakin Gwamnan Kebbi, Ibrahim Aliyu, ya rasu

Tsohon Mataimakin Gwamnan Jihar Kebbi, Alhaji Ibrahim Aliyu , ya rasu bayan fama da jinya, kamar yadda iyalansa suka tabbatar. Marigayin, wanda ya riƙe muƙamin Mataimakin Gwamna a zamanin tsohon Gwamnan Jihar Kebbi, Sa'idu Usman Ɗakingari , tsakanin shekarun 2007 zuwa 2015 , ya rasu ne a birnin Sakkwato. Gwamnan Jihar Kebbi, Dr. Nasir Idris , ya bayyana rasuwar a matsayin babban rashi ga Masarautar Yauri, Jihar Kebbi da kuma Najeriya baki ɗaya. Hakan na ƙunshe ne cikin wata sanarwa da Mai Bai wa Gwamna Shawara na Musamman kan Harkokin Yaɗa Labarai da Hulɗa da Jama'a, Yahaya Sarki , ya fitar. G

azubairu (legacy byline)

top stories31 Yul, 2026

Gwamnatin tarayya ta bayyana hanyoyin da kudaden tallafin man fetur ke tafiya

Gwamnatin Tarayya ta bayyana cewa ɗaya daga cikin hanyoyin da ake amfani da kuɗaɗen da aka samu bayan cire tallafin man fetur shi ne tallafa wa ilimin ɗalibai a faɗin Najeriya. Ministan Kuɗi kuma Mai Kula da Harkokin Tattalin Arziki, Taiwo Oyedele, ya ce gwamnati na ɗaukar nauyin wasu shirye-shiryen tallafin karatu domin rage wa ɗalibai da iyayensu nauyin kuɗin karatu. A cewarsa, kuɗaɗen da aka samu daga sauye-sauyen da aka yi kan tsarin tallafin man fetur ba su tsaya ga ayyukan gine-gine kaɗai ba, har ila yau ana karkatar da wani ɓangare daga cikinsu zuwa shirye-shiryen da ke inganta rayuwar

Sultan Bello

top stories31 Yul, 2026

Tinubu ya bukaci gwamnoni dasufi mayar da hankali kan Inganta Rayuwar al’umma fiye da gina gadoji marasa amfani

Shugaban Ƙasa, Bola Ahmed Tinubu, ya yi kira ga gwamnonin jihohin Najeriya da su mayar da hankali wajen aiwatar da ayyukan da ke inganta rayuwar al’umma kai tsaye, maimakon kashe kuɗaɗen gwamnati kan ayyukan da ba su da muhimmanci, kamar gina gadoji da ba su da amfani ga jama’a. Tinubu ya bayyana cewa a wannan lokaci da ƙasar ke fuskantar ƙalubalen tattalin arziki, ya zama wajibi shugabanni su fifita ayyukan da ke da tasiri kai tsaye ga rayuwar ’yan ƙasa, musamman a fannonin ilimi, kiwon lafiya, noma, samar da ruwan sha, hanyoyi masu amfani da kuma samar da ayyukan yi. Ya ce manufar gwamnati i

Sultan Bello

Sojoji sun kashe ƴan bindiga uku, sun ceto mutum tara a Jihar Kwara

Jami'an tsaron Najeriya sun kashe 'yan bindiga uku tare da ceto mutum tara da aka yi garkuwa da su a wani samame da aka gudanar a Jihar Kwara . An gudanar da aikin ne ta haɗin gwiwar dakarun Rundunar Sojin Najeriya , jami'an Hukumar Tsaro ta Farin Kaya (DSS) , dakarun tsaron gandun daji, mafarauta da kuma 'yan sa-kai a yankunan Obbo-Aiyegunle, Ejiu-Ora da Osi da ke Ƙaramar Hukumar Ekiti ta jihar Kwara, kusa da iyakar Jihar Neja. Rahotanni sun nuna cewa an yi garkuwa da mutanen ne daga al'ummar Eju , kuma masu garkuwar na kan hanyarsu ta bi ta cikin daji zuwa Jihar Neja lokacin da jami'an tsaro

azubairu (legacy byline)

Turkiyya na shirin taimaka wa Nijeriya wajen bunƙasa masana'antar ƙera jiragen ruwa

Turkiyya na ƙara faɗaɗa masana'antar ƙera jiragen ruwa, yayin da take shirin taka muhimmiyar rawa wajen taimaka wa Nijeriya cimma burinta na ƙera jiragen ruwa a cikin gida, sabunta tsofaffin jiragen ruwa da bunƙasa tattalin arzikin teku ( Blue Economy ). Wannan haɗin gwiwa ya biyo bayan ziyarar aiki da Shugaban Ƙasa, Bola Ahmed Tinubu , ya kai Turkiyya a farkon wannan shekara, inda alaƙar tattalin arziki tsakanin ƙasashen biyu ta ƙara ƙarfi, tare da karkata daga cinikayya zuwa haɗin gwiwar masana'antu na dogon lokaci. Gwamnatin Tarayyar Nijeriya na son kamfanonin ƙera jiragen ruwa na Turkiyya

azubairu (legacy byline)

INTERPOL ta tasa ƙeyar ɗan China daga Nijeriya kan zargin safarar namun daji

Rundunar ’Yansandan Nijeriya, tare da haɗin gwiwar Hukumar ’Yansandan Ƙasa da Ƙasa (INTERPOL), ta tasa ƙeyar wani ɗan ƙasar China mai suna Cai Jinlian (42) zuwa ƙasarsa domin fuskantar tuhuma kan zargin safarar namun daji masu fuskantar barazanar ɓacewa. Ana zargin Cai Jinlian da safarar kimanin tan 12 na kwanson dabbar ɗan-kunya (pangolin scales) daga Nijeriya zuwa China a jigila biyu tsakanin Nuwamban 2018 da Afrilun 2019 . Binciken da Hukumar Yaƙi da Fasa-ƙwauri ta Kwastam ta Wenzhou ta gudanar ya gano laifin, inda aka gurfanar da wasu abokan aikinsa biyu, waɗanda kotu ta yanke musu hukunci

azubairu (legacy byline)

Tinubu ya musanta zargin amfanin da INEC wajen dakile jam'iyyun Adawa

Shugaban Ƙasa, Bola Ahmed Tinubu, ya bayyana cewa Hukumar Zaɓe Mai Zaman Kanta ta Ƙasa (INEC) ba ta nuna son kai wajen gudanar da ayyukanta, yana mai jaddada cewa hukumar na aiki ne bisa tanadin doka. Tinubu ya yi wannan bayani ne a ranar Talata yayin da yake karɓar jagororin Ƙungiyar Limaman Cocin Katolika ta Najeriya (CBCN) ƙarƙashin jagorancin Shugabanta, Archbishop Matthew Ndagoso, a Fadar Shugaban Ƙasa da ke Abuja. Jawabin na zuwa ne a daidai lokacin da INEC ke fuskantar zarge-zargen nuna son kai daga wasu jam’iyyun adawa, waɗanda suka zargi hukumar da fifita jam’iyyar APC mai mulki a was

Sultan Bello

INEC ta ce ba za ta ƙara wa’adin rijistar masu zaɓe ba

Hukumar Zaɓe Mai Zaman Kanta ta Najeriya (INEC) ta bayyana cewa ba za ta sake ƙara wa’adin rijistar masu zaɓe ba, duk da kiraye-kirayen da jam’iyyun adawa da ƙungiyoyin farar hula suka yi na a bai wa ƙarin mutane damar yin rajista. Mataimakin Daraktan Sashen Wayar da Kan Masu Zaɓe da Hulɗa da Jama'a na INEC, Wilfred Ifogah, ne ya bayyana hakan yayin wata hira da gidan talabijin na Channels. Ifogah ya ce dole ne hukumar ta kawo ƙarshen aikin rajistar a wannan lokaci, yana mai cewa waɗanda ba su samu damar kammala rajistarsu ba su yi haƙuri, domin a halin yanzu babu shirin ƙara wa’adin. Ya tuna

azubairu (legacy byline)

Gwamna Uba Sani ya zaɓi Jerry Adams a matsayin mataimakinsa na takarar 2027

Gwamnan Jihar Kaduna, Sanata Uba Sani, ya sanar da zaɓen Mista Jerry Adams a matsayin mataimakinsa a zaɓen gwamnan jihar na shekarar 2027. A cikin wata sanarwa da ya wallafa a shafinsa na X, gwamnan ya ce ya ɗauki wannan mataki ne bayan shawarwari da addu’o’i, yana mai bayyana cewa zaɓin ya yi daidai da manufar gwamnatinsa ta haɗin kai, adalci da bai wa kowane ɗan jihar damar samun wakilci ba tare da la’akari da addini ko ƙabila ba. Uba Sani ya ce gwamnatinsa ta himmatu wajen samar da ci gaba a dukkan ƙananan hukumomin jihar, tare da ƙarfafa zaman lafiya da haɗin kai tsakanin al’ummomin Kaduna

azubairu (legacy byline)

Mutum huɗu sun mutu yayin harin ’yan bindiga a Sokoto, an ceto mutum 32

Mutum huɗu sun rasa rayukansu bayan wasu ’yan bindiga sun kai hari ƙauyen Maikujera da ke ƙaramar hukumar Rabah a jihar Sokoto. Rundunar ’Yan Sandan Jihar Sokoto ta ce maharan sun kutsa ƙauyen ne suna harbe-harbe, inda suka yi garkuwa da mutane tare da satar dabbobi kafin jami’an tsaro su isa wurin. A cewar rundunar, bayan samun kiran gaggawa, jami’an ’yan sanda tare da haɗin gwiwar dakarun soji sun bazama yankin, inda suka toshe hanyoyin da ake zargin maharan za su bi wajen tserewa da mutanen da suka sace da kuma dabbobin da suka kwashe. Lamarin ya rikide zuwa musayar wuta mai tsanani tsakani

azubairu (legacy byline)

Ambaliyar Ruwa Ta Lalata Gidaje Sama da 200 a Kusada, Katsina

Ambaliyar Ruwa Ta Lalata Gidaje Sama da 200 a Kusada, Katsina Katsina: Sama da gidaje 200 ne suka rushe sakamakon ruwan sama mai ƙarfi da iska tare da ƙanƙara da ya afkawa wasu sassan ƙaramar hukumar Kusada a jihar Katsina. Lamarin ya shafi garuruwan Janbango, Dangamau da Kusada , inda gidaje da dama suka lalace, wasu shaguna suka rushe, yayin da iyalai da dama suka rasa matsugunansu da wasu daga cikin kayayyakin da suka mallaka. Rahotanni sun nuna cewa kawo yanzu babu tabbacin asarar rai sakamakon wannan iftila'i, sai dai barnar da aka samu ta shafi gidaje, shaguna da sauran kadarorin jama'a.

Muhammad Sa'id

Operation Whirl Stroke Ta Ceto Mutane Biyu Da Aka Yi Garkuwa Da Su A Taraba

Rundunar Sojin Najeriya ta bayyana cewa dakarunta na Operation Whirl Stroke sun yi nasarar ceto mutane biyu da aka yi garkuwa da su a wani samame da suka kai yankin Lande Jessi da ke Ƙaramar Hukumar Lau a Jihar Taraba. A cewar wata sanarwa da rundunar ta fitar, an ƙaddamar da samamen ne bayan samun sahihan bayanan sirri cewa wasu masu garkuwa da mutane sun kai hari ƙauyukan Tashan Musa da Barkindan Fulani , inda suka yi garkuwa da mutane biyu tare da kwashe kayan abinci. Sanarwar ta ce lamarin ya faru ne a ranar 26 ga Yuli, 2026 . Bayan gudanar da bincike da sintiri a wurare daban-daban, dakar

azubairu (legacy byline)

Lauyoyin Gwamnatin Jihar Kwara Sun Shiga Yajin Aiki Kan Rashin Biyan Alawus

Lauyoyin da ke aiki a Ma'aikatar Shari'a ta Jihar Kwara sun fara yajin aiki na sai baba-ta-gani , sakamakon zargin rashin biyan wasu alawus da suke bin gwamnatin jihar, tare da neman daidaita albashi da sauran haƙƙoƙinsu da na alkalan kotunan majistare. Jaridar PUNCH ta ruwaito cewa Law Officers Association of Nigeria (LOAN) reshen Jihar Kwara ce ta sanar da fara yajin aikin, inda ta umarci dukkan mambobinta su dakatar da ayyukansu na hukuma har sai an biya buƙatunsu. Shugaban riƙo na ƙungiyar, Kehinde Ayorinde , ya ce yajin aikin zai ci gaba ne har sai gwamnatin jihar ta ɗauki matakan da suka

azubairu (legacy byline)