AMMASCO RADIO NEWSROOM

top stories

top stories10 Okt, 2026

IMF zai bai wa Nijar bashin dala miliyan 203 domin farfaɗo da tattalin arziƙinta

Asusun Ba da Lamuni na Duniya (IMF) ya sanar da cimma matsaya da mahukuntan Nijar kan bayar da sabon rancen kuɗi har dala miliyan 203, domin taimaka wa ƙasar wajen farfaɗo da tattalin arziƙinta da aiwatar da gyare-gyare a wannan fanni cikin shekaru uku masu zuwa. Sanarwar IMF, wadda shugabar tawagar asusun da ta ziyarci Nijar, Julia Bersch, ta sanya wa hannu, ta ce an cimma yarjejeniyar ne yayin tattaunawar da wakilan asusun suka yi da mahukuntan ƙasar a birnin Yamai, babban birnin Nijar. A cewar sanarwar, yarjejeniyar ta shafi tsawon watanni 38, amma ana jiran amincewar hukumar gudanarwar IMF

azubairu (legacy byline)

top stories10 Okt, 2026

Kotu ta soke zaɓen fidda gwani na ɗan takarar ADC a Akko

Babbar Kotun Tarayya da ke Gombe ta soke zaɓen fidda gwani da ya samar da Bashir Abdullahi Gaddafi a matsayin ɗan takarar jam’iyyar ADC mai neman kujerar Akko a Majalisar Wakilan Tarayya a zaɓen 2027. Kotun, ƙarƙashin jagorancin Mai Shari’a Vera E. Ibrahim, ta umarci a gudanar da sabon zaɓen fidda gwani na jam’iyyar a mazabar cikin kwanaki 21. Haka kuma, kotun ta bayar da umarnin janye takardar shaidar nasarar zaɓen da aka bai wa Gaddafi nan take. Hukuncin ya biyo bayan ƙarar da Adamu Hassan Kashere ya shigar, inda ya ƙalubalanci yadda aka gudanar da zaɓen fidda gwani da ya samar da Gaddafi a

azubairu (legacy byline)

top stories10 Okt, 2026

ACF ta buƙaci gwamnatin Najeriya ta fifita tsaro kan siyasar zaɓen 2027

Ƙungiyar Tuntuɓa ta Arewacin Najeriya (ACF) ta buƙaci gwamnatin tarayya da ta rage mayar da hankali kan shirye-shiryen zaɓen 2027, tare da karkata hankalinta wajen magance matsalar rashin tsaro da ke addabar ƙasar. Ƙungiyar ta bayyana cewa ci gaba da kai hare-hare, kashe-kashe, garkuwa da mutane da lalata hanyoyin samun abin dogaro da kai da ƙungiyoyin masu ɗauke da makamai ke yi, na barazana ga zaman lafiya da kwanciyar hankalin Najeriya. A cikin wata sanarwa da sakataren yaɗa labaran ƙungiyar, Farfesa Tukur Muhammad Baba, ya fitar, ACF ta nuna damuwarta kan abin da ta bayyana a matsayin rash

azubairu (legacy byline)

top stories10 Okt, 2026

Sojojin Najeriya sun lalata bama-bamai uku da aka dasa a Zamfara

Dakarun Sojin Najeriya da ke aikin yaƙi da ’yan bindiga a ƙarƙashin rundunar Operation Fansan Yamma sun sanar da lalata wasu bama-bamai guda uku da aka dasa a Jihar Zamfara. Kakakin rundunar, Laftanar Kanal Aliyu Danja, ya bayyana hakan ne a cikin wata sanarwa da ya fitar ga manema labarai a ranar Juma’a. Ya ce haɗin gwiwar jami’an tsaro ya yi nasarar gano tare da kwance bama-baman da aka dasa a babbar hanyar Magami zuwa Dansadau da ke jihar. A cewarsa, an gudanar da aikin ne tare da taimakon sashen kwance bama-bamai na rundunar ’yan sandan Najeriya, kuma an kammala aikin ba tare da an samu as

azubairu (legacy byline)

top stories10 Okt, 2026

Manchester City za ta fuskanci Liverpool a Anfield yayin da ake ci gaba da muhawara kan nasarorinta

A watan Disambar 2024 ne Manchester City ƙarƙashin jagorancin Pep Guardiola ta sha kashi da ci 2-0 a hannun Liverpool a filin Anfield, inda magoya bayan Liverpool suka riƙa yi wa kocin waƙar cewa: “Za a kore ka da safe.” A wancan lokacin, da wuya a yi tunanin cewa za a kori Guardiola, duk da cewa Manchester City na shirin yin rashin nasara a wasanta na huɗu a jere a gasar Premier League, lamarin da ba kasafai yake faruwa ba a ƙarƙashin jagorancinsa. A martaninsa ga magoya bayan Liverpool, Guardiola ya ɗaga yatsunsa shida, domin tunasar da su kofunan Premier League shida da ya lashe tare da Man

azubairu (legacy byline)

top stories10 Okt, 2026

Sojin Saman Najeriya na neman na’urorin bayanan jirgin da ya yi hatsari a Ondo

Rundunar Sojin Saman Najeriya ta ce ta fara ƙoƙarin gano na’urorin da ke ɗauke da bayanan muryoyin matuƙan jirgi da kuma bayanan jirgin da ya yi hatsari a yankin Igbokoda, da ke Ƙaramar Hukumar Ilaje a Jihar Ondo. Babban jami’in kula da ƙa’idoji da tantancewa na rundunar, Air Vice Marshal Ebimobo Ebiowe, ne ya bayyana hakan ga manema labarai a wurin da hatsarin ya faru a ranar Juma’a. Jirgin mai saukar ungulu, wanda ke gudanar da aikin yau da kullum daga Benin, babban birnin Jihar Edo, zuwa Legas, ya faɗo cikin wata fadama kusa da sansanin Rundunar Sojin Ruwa ta Najeriya da ke Igbokoda a ranar

azubairu (legacy byline)

top stories10 Okt, 2026

ADC ta ƙaddamar da kwamitin yaƙin neman zaɓen shugaban ƙasa

Jam’iyyar hamayya ta ADC a Najeriya ta ƙaddamar da kwamitin yaƙin neman zaɓen shugaban ƙasa, a wani mataki na shirye-shiryen tunkarar babban zaɓen ƙasar na shekarar 2027. Yayin ƙaddamar da kwamitin a Abuja, ɗan takarar shugaban ƙasa na jam’iyyar, Atiku Abubakar, ya bayyana waɗanda aka naɗa a matsayin masu kishin ƙasa da kuma gogaggun mutane a harkokin siyasa da tafiyar dimokuraɗiyyar Najeriya. Sanata Augustine Okwudiri Akobundu ne zai jagoranci kwamitin, tare da taimakon wasu manyan jiga-jigan jam’iyyar, ciki har da tsohon gwamnan Jihar Kaduna, Nasir El-Rufai. El-Rufai dai na fuskantar bincike

azubairu (legacy byline)

top stories10 Okt, 2026

Jihar Binuwai ta rufe makarantu biyu bisa zargin cin zarafin ɗalibai da karya dokokin ilimi

Hukumar Tabbatar da Ingancin Ilimi da Shirya Jarabawa ta Jihar Binuwai a Najeriya ta rufe makarantun Orenda Schools da Opal Schools bisa zargin cin zarafin ɗalibai da kuma karya manufofin gwamnati kan saye da amfani da litattafan karatu. Matakin ya biyo bayan wani rahoto da ke zargin cewa mamallakin makarantun ya kai hari ga jami’an hukumar yayin da suke gudanar da aikinsu. Sakataren zartarwa na hukumar, Dakta Terna Francis, ne ya bayyana hakan ga manema labarai a ranar Juma’a, inda ya yi ƙarin bayani kan dalilan rufe makarantun. Dakta Francis ya zargi mamallakiyar makarantun, Onyinye Okoye, d

azubairu (legacy byline)

top stories9 Okt, 2026

TUC ta umarci mambobinta a Abuja su yi watsi da yajin aikin NLC

Ƙungiyar ƙwadago ta TUC reshen Babban Birnin Tarayya Abuja, ta umarci mambobinta da su ci gaba da zuwa wuraren aikinsu, tana mai bayyana cewa ba ta goyi bayan yajin aikin sai baba-ta-gani da babbar ƙungiyar ƙwadago ta NLC ta ayyana ba. TUC ta bayyana cewa ba ta halarci taron da aka yanke shawarar fara yajin aikin ba, don haka ba ta amince da matakin da aka ɗauka ba. Saboda haka, ƙungiyar ta buƙaci dukkan mambobinta da ƙungiyoyin da ke ƙarƙashinta da su ci gaba da gudanar da ayyukansu na yau da kullum. Haka kuma, TUC ta gargaɗi mambobinta da kada su bari a tilasta musu shiga yajin aikin, tana m

azubairu (legacy byline)

top stories9 Okt, 2026

Zazzabin Lassa ya kashe mutum 263, yayin da 1,115 suka kamu a Najeriya — NCDC

Hukumar Kula da Yaɗuwar Cututtuka ta Najeriya (NCDC) ta ce mutum 263 sun mutu sakamakon zazzabin Lassa, yayin da aka tabbatar da mutum 1,115 sun kamu da cutar tsakanin watan Janairu zuwa ranar 20 ga Satumba, 2026. Hukumar ta bayyana cewa adadin mace-macen ya kai kashi 23.6 cikin 100, wanda ya haura na makamancin lokacin a shekarar 2025, lokacin da ya kai kashi 18.5 cikin 100. Jihohin Ondo, Bauchi, Taraba, Edo da Benue ne suka fi yawan mutanen da aka tabbatar sun kamu da cutar, inda suka haɗa kusan kashi 87 cikin 100 na dukkan waɗanda aka tabbatar sun kamu a ƙasar. NCDC ta danganta yawaitar mac

azubairu (legacy byline)

top stories9 Okt, 2026

Amurka na shirin ƙwace kadarorin kuɗaɗen intanet na dala biliyan ɗaya da ake dangantawa da Iran

Sakataren Baitulmalin Amurka, Scott Bessent, ya ce akwai yiwuwar gwamnatin ƙasar ta ƙwace kadarorin kuɗaɗen intanet na cryptocurrency da darajarsu ta kai kusan dala biliyan ɗaya, waɗanda ake dangantawa da Iran, kafin ƙarshen wannan makon. Bessent ya bayyana hakan ne yayin wata hira da tashar talabijin ta Newsmax, inda ya ƙara da cewa jami’an gwamnatin Amurka sun san inda waɗannan kadarori suke, ba tare da ya yi ƙarin bayani kan yadda za a gudanar da ƙwace su ba. A cikin ’yan shekarun nan, kasuwar kuɗaɗen intanet ta samu bunƙasa sosai, inda wasu mutane da ƙungiyoyi ke amfani da dandamalin musay

azubairu (legacy byline)

top stories9 Okt, 2026

NDLEA ta yi wa mutum 53,843 maganin shan miyagun ƙwayoyi cikin shekaru biyar

Hukumar Yaƙi da Sha da Fataucin Miyagun Ƙwayoyi ta Najeriya (NDLEA) ta ce ta yi wa mutane 53,843 da ke fama da matsalar shan miyagun ƙwayoyi magani cikin shekaru biyar, a cibiyoyinta da ke jihohi 31 na ƙasar. Hukumar ta bayyana hakan ne yayin wani gangami na wayar da kan al’umma da yaƙi da shan miyagun ƙwayoyi a Najeriya. Shugaban hukumar NDLEA, Birgediya Janar Mohamed Buba Marwa mai ritaya, ya bayyana shirin hukumar na kawar da shan miyagun ƙwayoyi da kuma yaƙi da safarar su a faɗin ƙasar. Marwa ya ce matsalar shan miyagun ƙwayoyi na ƙara ta’azzara, inda masu amfani da su ke fuskantar barazan

azubairu (legacy byline)

top stories9 Okt, 2026

Lufthansa da Air India sun dakatar da zirga-zirgarsu zuwa Riyadh bayan hare-haren Houthi

Kamfanonin jiragen sama na Jamus, Lufthansa, da na Indiya, Air India, sun sanar da dakatar da zirga-zirgarsu zuwa Riyadh, babban birnin Saudiyya, bayan wasu rahotanni da suka danganta hare-haren ƙungiyar Houthi ta Yemen da filin jirgin saman birnin. Dakatar da zirga-zirgar na zuwa ne a daidai lokacin da ake samun ƙarin hare-hare kan filayen jiragen sama da cibiyoyin samar da makamashi a Saudiyya. A ranar Alhamis, mayaƙan Houthi da ke samun goyon bayan Iran sun ƙara tsananta hare-harensu kan Saudiyya, inda suka harba makamai masu linzami zuwa cikin sararin samaniyar ƙasar tare da kai hare-hare

azubairu (legacy byline)

Rundunar Sojin Sama ta fitar da sunayen mutum 25 da suka mutu a hatsarin jirgi a Ondo

Rundunar Sojin Saman Najeriya ta fitar da sunayen mutum 25 da ta ce sun rasa rayukansu a hatsarin wani jirgin sama mai saukar ungulu da ya faru a jihar Ondo ranar Litinin. Hukumomin tsaro sun ce jirgin na gudanar da wani aiki na yau da kullum daga Benin zuwa Legas, kafin ya faɗi kusa da wani sansanin sojojin ruwa a safiyar Litinin. Wani mazaunin yankin ya shaida wa BBC cewa jirgin ya faɗi ne kusa da wani kurmi, inda aka gano tufafi da takalma a wurin. Ya ce kuma ana iya ganin hayaki na tashi daga yankin. Rahotannin farko sun nuna cewa mutum 32 ne suka mutu a hatsarin, sai dai daga baya Runduna

azubairu (legacy byline)

Dangote zai ƙaddamar da aikin gina matatar mai a Kenya

Attajirin Afirka, Aliko Dangote, zai aza harsashin gina wata sabuwar matatar man fetur a gabar tekun Kenya a yau. Matatar za a gina ta ne a yankin Lamu, kuma Shugaban Kenya, William Ruto, ya ce aikin zai taimaka wajen rage tasirin sauye-sauyen farashin makamashi a kasuwannin duniya ga ƙasar. Sai dai aikin ya fuskanci ce-ce-ku-ce, inda aka samu arangama tsakanin ’yan sanda da wasu masu zanga-zanga da ke ikirarin cewa filin da ake shirin gina matatar mallakinsu ne. Masu zanga-zangar sun kuma nuna damuwa kan illar da suka ce aikin zai iya haifarwa ga muhalli. Duk da waɗannan ƙorafe-ƙorafe da kuma

azubairu (legacy byline)

Abin da Mufti Menk ya ce wa Rahama Sadau

Fitacciyar jarumar Kannywood, Rahama Sadau, ta nuna damuwa kan yadda wasu kamfanonin shirya tafiye-tafiyen Umrah ke ɗaukar hotuna da bidiyon masu ibada a ƙasa mai tsarki domin tallata ayyukansu. Rahama Sadau ta bayyana hakan ne a wani saƙo da ta wallafa a shafinta na Instagram, inda ta ce tana da sha’awar zuwa Umrah tare da jama’a, sai dai yadda wasu kamfanonin ke gudanar da harkokinsu na sanyaya mata gwiwa. Jarumar ta ce ya kamata a mayar da Umrah kan ibada, maimakon a mayar da ita wata dama ta ɗaukar hotuna da bidiyoyin da za a wallafa a kafafen sada zumunta. Saƙon nata ya jawo hankalin muta

azubairu (legacy byline)

Kotu ta ɗaure mai shekara 50 kan yi wa yarinya ’yar shekara 11 fyaɗe a Jigawa

Wata Babbar Kotun Jihar Jigawa ta yanke wa wani mutum mai shekara 50, Abubakar Biniya, hukuncin zaman gidan gyaran hali na shekara 10 bayan samun sa da laifin yi wa wata yarinya ’yar shekara 11 fyaɗe. Alƙali Muhammad El Usman ne ya jagoranci zaman kotun da ta samu Biniya da laifi. A cewar sanarwar da Daraktan Yaɗa Labarai na Ma’aikatar Shari’a ta Jihar Jigawa, Abbas Rufa’i Wangara, ya fitar, Biniya ya aikata laifin ne a watan Janairun 2024 a unguwar Galadanchi da ke Ringim. Masu gabatar da ƙara sun gabatar da shaidu shida da kuma hujjoji biyar, ciki har da rahoton likita, domin tabbatar da zar

azubairu (legacy byline)

Rubio: Akwai hannun ’yan ƙasashen waje a harin sansanin sojin Birtaniya

Sakataren Harkokin Wajen Amurka, Marco Rubio, ya ce binciken da ake yi kan lamarin da ya faru a wani sansanin sojin sama na Birtaniya da dakarun Amurka ke amfani da shi, ya nuna alamun yiwuwar hannu daga wasu ƙasashen waje. An kama wasu maza biyar bisa zargin shirya aikata ta’addanci a sansanin, lamarin da ya jawo bincike daga hukumomin Birtaniya. Da yake magana da gidan talabijin na Fox News, Rubio ya ce ana sa ran samun ƙarin bayanai game da lamarin a cikin kwanaki masu zuwa. Sai dai tun da farko, Sakataren Tsaron Birtaniya ya ce bai kamata a yi gaggawar tabbatar da cewa wasu ‘yan ƙasashen w

azubairu (legacy byline)

Firaministan Faransa ya yi gargadin tsananta zanga-zangar ɗalibai

Firaministan Faransa, Sébastien Lecornu, ya yi gargadin cewa duk wani yunkuri na ƙara tsananta zanga-zangar ɗaliban makarantun sakandare a faɗin ƙasar ba zai haifar da wani amfani ba. Fiye da mutum 160 ne aka kama a ranar Litinin sakamakon zanga-zangar. A wani saƙo da ya wallafa a kafar sada zumunta, Mista Lecornu ya yi nuni da rahotannin amfani da tartsatsin wuta da kuma tashe-tashen hankula yayin zanga-zangar. Zanga-zangar ta fara ne a birnin Paris a makon da ya gabata, inda ɗalibai suka rufe wasu makarantu na tsawon kwanaki domin nuna rashin amincewarsu da yanayin da suke karatu a ciki. Dal

azubairu (legacy byline)

OpenAI ta dakatar da sakin sabon tsarin AI saboda matsalar tsaro

Kamfanin ƙirƙirarriyar basira na OpenAI ya dakatar da shirin sakin wani sabon tsarin AI mai suna GPT-6.1 Astra , bayan gano wasu matsalolin da suka shafi tsaro. Kamfanin ya ce tsarin bai cika wasu muhimman ƙa’idojin tsaro da aka gindaya ba, musamman kan yadda yake aiki cikin iyakokin da aka amince da su da kuma yadda yake bayyana wa masu amfani ayyukan da ya gudanar. An shirya sakin tsarin ne a watan gobe, amma OpenAI ta ce za ta dakatar da shirin har sai an magance matsalolin. Matakin ya zo ne a daidai lokacin da kamfanonin AI ke fuskantar ƙarin bincike daga hukumomi da masana kan buƙatar sam

azubairu (legacy byline)