Ammasco Radio 90.7 FMAmmasco Radio90.7 FM · Gaskiya Tushen Nasara
KANO, NIJERIYAEnglish

AMMASCO RADIO NEWSROOM

world

world

MUTUM TAKWAS SUN RASU A HATSARIN JIRGIN SOJAN AMURKA A ALASKA

Rundunar Sojin Saman Amurka ta tabbatar da mutuwar mutane takwas bayan wani jirgin sama da ke aiki a ƙarƙashin rundunar ya yi hatsari a jihar Alaska. Jirgin, wanda wani kamfanin farar hula ke aiki da shi ƙarƙashin kwantiragin gwamnati, ya faɗi da rana a kusa da Cape Newenham , a yankin Anchorage. Hukumomi sun ce har yanzu ba a bayyana sunayen mutanen da ke cikin jirgin ko kuma takamaiman manufar tafiyarsu ba. Shugaban Rundunar Sojin Saman Amurka a Alaska, Laftanar Janar Robert Davis , ya bayyana waɗanda suka mutu a matsayin ƙwararru masu sadaukar da kai da ke gudanar da wani muhimmin aiki a ci

azubairu (legacy byline)

world

BIL’ADAMA MAFI TSUFA A DUNIYA TA CIKA SHEKARA 117

Ethel Caterham, wadda ake yi wa kallon mace mafi tsufa da ke raye a duniya, ta cika shekara 117 a yau Juma’a. Dattijuwar ta yi bikin zagayowar ranar haihuwarta tare da ‘yan uwa da abokan arziki a gidan kula da tsofaffi na Hallmark Lakeview , da ke Surrey a Birtaniya. An haifi Ethel shekaru uku kafin hatsarin jirgin ruwa na Titanic , sannan shekaru takwas kafin juyin juya halin Rasha. Ta kuma rayu ta ga yakin duniya na farko da na biyu. A cewar Guinness World Records , Ethel na cikin mutanen da suka fi tsufa da suka tsallake annobar COVID-19, bayan ta kamu da cutar a shekarar 2020 tana da sheka

azubairu (legacy byline)

world

Laberiya Za Ta Karɓi Baƙin Da Amurka Ta Kora

Laberiya ta zama ɗaya daga cikin ƙasashen Afirka da suka amince su karɓi baƙin da gwamnatin Amurka ta kora daga ƙasar, inda ake sa ran wasu daga cikin mutanen za su isa Monrovia gobe, Alhamis. Gwamnatin Laberiya ta ce ta amince da karɓar baƙi har 1,200 a ƙarƙashin shirin gwamnatin Amurka na tura wasu daga cikin mutanen da take kora zuwa ƙasashe na uku. A watan Satumban shekarar da ta gabata ne gwamnatin Laberiya ta amince da karɓar wasu baƙi na tsawon shekara guda bisa dalilan jin ƙai. Mutanen sun haɗa da waɗanda suka fito daga ƙasashen Afirka da kuma wasu ƙasashen yankin Amurka ta Arewa da ta

azubairu (legacy byline)

world

Operation FANSAN YAMMA: Sojoji sun dakile yunƙurin sace fararen hula da dama a Zamfara

Dakarun rundunar haɗin gwiwa ta Arewa maso Yamma, Operation FANSAN YAMMA , sun dakile wani yunƙurin garkuwa da fararen hula da ’yan ta’adda suka yi a ƙauyen Unguwar Rogo da ke ƙaramar hukumar Kaura Namoda ta Jihar Zamfara. A yayin farmakin, sojojin sun kuɓutar da fararen hula tara , ciki har da wani jariri. A cikin wata sanarwa da Jami’in Yaɗa Labarai na rundunar haɗin gwiwar, Laftanar Kanal Aliyu Danja, ya fitar, ya ce lamarin ya faru ne a ranar 16 ga Agustan 2026 , lokacin da wasu ’yan ta’adda, waɗanda ake zargin wani jagoransu mai suna Mallam Shuaibu ne, suka kai hari kan fararen hula da ke

azubairu (legacy byline)

world

Zambiya Ta Dakatar da Ƙirga Ƙuri’u Bayan Rahotannin Tashin Hankali

Hukumar Zaɓe ta Zambiya ta dakatar da ƙirga ƙuri’u a faɗin ƙasar bayan samun rahotannin tashin hankali a wasu yankuna bayan zaɓen shugaban ƙasa da aka gudanar ranar Alhamis. Babban Jami’in Zaɓe, Brown Kasaro , ya ce an ɗauki matakin ne bayan an kai wa wasu jami’an zaɓe hari, tare da rahotannin satar takardun zaɓe da akwatunan ƙuri’a a wasu wurare. Ya ce za a sake duba matakin dakatar da ƙirga ƙuri’un cikin sa’o’i 24 , yayin da hukumomi ke nazarin yanayin tsaro tare da yanke shawarar matakin da ya dace na ci gaba da ƙirga ƙuri’un. Matakin ya haifar da damuwa kan gaskiya da sahihancin tsarin zaɓ

azubairu (legacy byline)

world

WHO Ta Yi Gargadin Cewa Annobar Ebola a DRC Na Iya Zarce Ta Yammacin Afirka

Shugaban Hukumar Lafiya ta Duniya ( WHO ), Dr. Tedros Adhanom Ghebreyesus, ya yi gargadin cewa annobar Ebola da ke ci gaba da yaɗuwa a Jamhuriyar Dimokuraɗiyyar Congo ( DRC ) na iya zarce annobar da ta fi muni a tarihin cutar, wadda ta auku a Yammacin Afirka tsakanin shekarar 2014 zuwa 2016. Annobar Yammacin Afirka ta yi sanadin mutuwar fiye da mutum 11,000 , yayin da WHO ta ce ta yanzu a DRC ta zama annobar Ebola mafi saurin yaɗuwa da aka taɓa gani. Rahotannin baya-bayan nan sun nuna cewa ya zuwa 11 ga Agusta 2026 , Ebola ta kashe mutane 2,011 , yayin da adadin waɗanda suka kamu da cutar ya k

azubairu (legacy byline)

world

Kotu a Syria Ta Yanke wa Bashar al-Assad Hukuncin Kisa

Wata kotu a Syria ta yanke wa tsohon shugaban ƙasar, Bashar al-Assad , hukuncin kisa ba tare da ya bayyana a gaban kotu ba, bayan ta same shi da laifukan yaƙi da cin zarafin bil’adama , ciki har da kisa, azabtarwa da kamawa ba bisa ƙa’ida ba. Wannan shi ne hukunci na farko da aka yanke wa Assad tun bayan hambarar da gwamnatinsa a watan Disamban 2024. Bayan faduwar gwamnatin, Assad ya tsere daga Damascus zuwa Moscow tare da iyalansa, inda ya samu mafaka a Rasha. Hukuncin ya shafi laifukan da ake zargin an aikata a lokacin yakin basasar Syria da ya ɗauki kusan shekaru 14, wanda ya yi sanadin mut

azubairu (legacy byline)

world

Shugaban Mossad Ya Sallami Manyan Jami'ai Biyu Bisa Zargin Gazawar Shirin Kifar da Gwamnatin Iran

Kafofin yaɗa labarai na Isra'ila sun ruwaito cewa shugaban Hukumar Leƙen Asiri ta Mossad, Roman Goffman , ya sallami wasu manyan jami'ai biyu na hukumar bisa zargin cewa su ne suka tsara wani shirin sirri da bai yi nasarar kifar da gwamnatin Iran ba. A cewar tashar talabijin ta Channel 12 ta Isra'ila, ɗaya daga cikin jami'an da aka kora ya jagoranci sashen tattara bayanan sirri na Mossad tun watan Disamban 2015, yayin da ɗayan kuma ke shugabantar sashen da ke kula da harkokin Iran. Sai dai ba a bayyana sunayensu ba. Rahoton ya ce jami'an biyu sun tsara wani shirin sirri da nufin kifar da gwamn

azubairu (legacy byline)

world

Gwamnati da Ƴan Adawa a Venezuela Sun Fara Tattaunawar Miƙa Mulki Cikin Lumana

Wakilan gwamnatin riƙon ƙwarya da na ƴan adawa a ƙasar Venezuela sun kammala zaman farko na tattaunawa kan yadda za a gudanar da miƙa mulki cikin lumana da kuma tabbatar da kwanciyar hankali a ƙasar. Bangarorin biyu sun bayyana aniyarsu ta yin aiki tare domin samar da mafita da za ta kasance bisa tanade-tanaden kundin tsarin mulkin Venezuela, tare da tabbatar da tsarin dimokuraɗiyya da zaman lafiya. Tattaunawar na gudana ne bayan sauyin mulki da ya kawo ƙarshen shugabancin Nicolas Maduro a watan Janairu, lamarin da ya buɗe sabon babi a siyasar ƙasar. Ƙasar Amurka ta bayyana goyon bayanta ga wa

azubairu (legacy byline)

world

Ɗalibi Mai Shekara 14 Ya Kashe Mutum Shida a Harin Bindiga a Makaranta a Thailand

Wani ɗalibi mai shekara 14 ya buɗe wuta da bindiga a wata makaranta da ke jihar Nonthaburi, kusa da birnin Bangkok na ƙasar Thailand, lamarin da ya yi sanadin mutuwar mutum shida. A cewar 'yan sandan ƙasar, waɗanda suka rasa rayukansu sun haɗa da ɗalibai da malamai, yayin da aƙalla mutum 15 suka jikkata a harin. Jami'an tsaro sun ce sun fara gudanar da bincike domin gano musabbabin harin da kuma abin da ya sa ɗalibin ya aikata wannan aika-aika. Hotunan da aka yaɗa a kafafen sada zumunta sun nuna yadda ɗalibai ke gudu cikin firgici tare da neman mafaka bayan fara harbe-harben, yayin da motocin

azubairu (legacy byline)

world

Sojojin Kamaru Sun Musanta Zargin Kashe Fararen Hula a Yankin Kudu maso Yamma

Rundunar sojin Kamaru ta musanta zargin cewa jami'anta sun kashe fararen hula tare da lalata dukiyoyi yayin wani samame da suka kai a yankin Kudu maso Yamma mai amfani da Turanci a watan da ya gabata. A cikin wata sanarwa da kakakin rundunar, Kyaftin Cyrille Serge Atonfack , ya fitar ranar Laraba, ya bayyana cewa samamen da aka kai ƙauyuka biyu da ke ƙaramar hukumar Akwaya an gudanar da shi ne domin kai farmaki kan mayaƙan masu rajin ballewa. A cewarsa, jami'an tsaro sun aiwatar da aikin ne bisa sahihan bayanan sirri da suka samu daga mazauna yankin. Ya ce farmakin da aka kai ranar 17 ga Yuli

azubairu (legacy byline)

world

Hukumar Ƙwallon Ƙafa ta Chile Ta Amince Vozinha Ya Yi Amfani da Sunan da Aka Fi Saninsa a Jikin Riga

Hukumar Ƙwallon Ƙafa ta Chile (ANFP) ta amince wa mai tsaron ragar Cape Verde, Vozinha , da ya ci gaba da sanya sunan da aka fi saninsa da shi a bayan rigarsa yayin da yake bugawa ƙungiyar Colo Colo. Mai tsaron ragar mai shekaru 40 ya rattaba hannu kan kwantiragin watanni shida da Colo Colo a ranar Litinin, bayan ya yi fice a idon duniya sakamakon bajintar da ya nuna a gasar cin kofin duniya. A bisa ƙa'idodin gasar Liga de Primera ta Chile, ya kamata ɗan wasan ya yi amfani da cikakken sunansa na haihuwa, Josimar Jose Evora Dias , domin dokokin ANFP sun haramta amfani da sunayen laƙabi ko na ba

azubairu (legacy byline)

world

Shugaban Iran Ya Jaddada Muhimmancin Batun Falasɗinu a Manufofin Ƙasarsa

Shugaban ƙasar Iran, Masoud Pezeshkian, ya bayyana cewa batun Falasɗinu na ci gaba da kasancewa muhimmin ginshiƙi a manufofin harkokin wajen ƙasarsa. Kafofin yaɗa labaran Iran sun ruwaito cewa shugaban ya bayyana hakan ne yayin wata tattaunawar wayar tarho da sabon shugaban ofishin siyasa na ƙungiyar Hamas, Khalil al-Hayyah. A yayin tattaunawar, Pezeshkian ya jaddada cewa Iran za ta ci gaba da bai wa batun Falasɗinu cikakkiyar muhimmanci, tare da ci gaba da goyon bayan al'ummar Falasɗinu a manufofinta na ƙetare. Khalil al-Hayyah ya karɓi jagorancin ofishin siyasa na Hamas ne bayan ƙungiyar ta

azubairu (legacy byline)

world

An Kama Wani Ɗauke da Bindiga a Filin Golf na Trump Kafin Ziyararsa

Jami'an tsaro a jihar California ta Amurka sun kama wani mutum ɗauke da bindiga a filin wasan golf mallakin Shugaban Amurka, Donald Trump, gabanin ziyararsa domin halartar wani taron tara kuɗaɗe na Jam'iyyar Republican. Masu bincike sun bayyana cewa mutumin, mai suna Jeanine John Tael , mai shekaru 38, an kama shi ne a filin wasan golf da ke Rancho Palos Verdes , tare da bindiga da kuma wasu alburusai da ake zargin haramtattu ne. A cewar 'yan sanda, an ga mutumin yana yawo a sassa daban-daban na filin wasan, yana ɗaukar hotuna da bidiyo tare da lura da shirye-shiryen tsaro da ake yi kafin isow

azubairu (legacy byline)

world

Mutum Takwas Sun Mutu A Sabbin Hare-haren Isra'ila A Gaza

Aƙalla mutum takwas ne suka rasa rayukansu sakamakon hare-haren sama da Isra'ila ta kai cikin dare a sassa daban-daban na Zirin Gaza, kamar yadda jami'an Falasɗinawa suka bayyana. Hukumar Kare Fararen Hula ta Gaza ta ce hare-haren sun afku ne a Gaza City, Khan Younis da Deir el-Balah, inda aka kai hare-hare kan wasu gine-ginen zama. A nata ɓangaren, Sojojin Isra'ila (IDF) sun ce sun kai hare-haren ne kan mayaƙan Hamas, tare da iƙirarin kashe kwamandoji biyu na ƙungiyar, ciki har da ɗaya daga rundunar Nukbha da kuma wani daga Bataliyar Maghazi. Rahotanni sun nuna cewa daga cikin waɗanda suka mu

azubairu (legacy byline)

world

Ana Jimamin Fitaccen Mai Hawa Tsaunuka Nirmal Purja Bayan Zaftarewar Ƙanƙara A Pakistan

Masu harkar hawa tsaunuka a sassa daban-daban na duniya na alhini bayan rasuwar fitaccen mai hawan tsaunuka, Nirmal Purja , tare da wasu mutum tara sakamakon zaftarewar ƙanƙara a Dutsen Broad Peak da ke Pakistan. Purja, ɗan asalin Nepal mai ɗan ƙasar Birtaniya, kuma tsohon jami'in rundunar musamman ta sojin Birtaniya, ya rasu yana da shekara 43. Ministan Tsaron Birtaniya, Wes Streeting, ya bayyana marigayin a matsayin mutum mai jajircewa da ƙarfafa gwiwa, wanda ya sadaukar da shekaru da dama yana yi wa ƙasar hidima. Shi ma Firaministan Nepal, Balendra Shah, ya ce rasuwar Purja da sauran waɗand

azubairu (legacy byline)

world

An Yi Garkuwa Da Ɗan Jamus A Jamhuriyar Nijar

Rahotanni sun bayyana cewa wasu da ake zargin mayaƙan ƙungiyar Islamic State in the Greater Sahara (ISGS) sun yi garkuwa da wani ɗan ƙasar Jamus mai asalin Turkiyya a yankin Tahoua da ke tsakiyar Jamhuriyar Nijar. A cewar rahotanni, mutumin ya isa birnin Niamey daga Algiers , kafin ya nufi yankin Tahoua domin gudanar da harkokin kasuwancin zinariya. Ana zargin cewa mayaƙan ISGS sun tare shi a hanya tare da yin garkuwa da shi. Rahoton ya kuma ce masu garkuwar sun tuntubi iyalansa domin sanar da su cewa suna tsare da shi. Lamarin ya faru ne duk da ci gaba da hare-haren soji da gwamnatin Nijar ta

azubairu (legacy byline)

world

HRW Ta Zargi Saudiyya Da Kashe Ƴan Habasha Ba Tare Da Cikakkiyar Shari'a Ba Labarin:

Ƙungiyar kare haƙƙin bil'adama ta Human Rights Watch (HRW) ta zargi hukumomin Saudiyya da zartar da hukuncin kisa kan wasu ƴan ƙasar Habasha biyar bisa zargin safarar ƙwayoyi, ba tare da bin cikakkun ka'idojin shari'a ba. A cewar ƙungiyar, an yanke hukuncin ne bayan shari'o'in da ta ce sun gudana cikin gaggawa, inda a wasu lokutan zaman kotun bai wuce ƴan mintuna ba, ba tare da waɗanda ake tuhuma sun samu lauyoyin da za su kare su ko kuma masu fassara ba. HRW ta bayyana cewa kisan da aka aiwatar a ranar Litinin ya sa adadin ƴan Habasha da aka kashe a Saudiyya a bana ya kai 17, tare da gargadin

azubairu (legacy byline)

world

Iran ta tattauna da Oman da Saudiyya kan rage tashin hankali a Gabas ta Tsakiya

Ministan Harkokin Wajen Iran, Abbas Araqchi, ya gudanar da tattaunawa ta wayar tarho daban-daban da takwarorinsa na Oman da Saudiyya domin duba halin da ake ciki a yankin da kuma hanyoyin rage tashin hankali. Ma’aikatar Harkokin Wajen Iran ta ce tattaunawar ta mayar da hankali ne kan halin da ake ciki a mashigar ruwan Hormuz, tare da ƙoƙarin diflomasiyya na tabbatar da zaman lafiya da kwanciyar hankali a yankin. A baya-bayan nan, Iran da Oman sun gudanar da tattaunawa mai zurfi ta tsawon kwanaki biyu, wadda ta zo daidai da dakatar da hare-haren sojin Amurka. Sai dai, jami’in Iran Kazem Ghariba

azubairu (legacy byline)

world

Masu Zanga-Zangar Da Suka Tilasta Murabus Din Ministan Ilimi A Indiya Sun Nemi A Saki Wadanda Aka Kama

Matasan da suka jagoranci zanga-zangar da ta kai ga murabus ɗin Ministan Ilimi na Indiya sun buƙaci gwamnatin ƙasar da ta saki dukkan mutanen da aka kama yayin zanga-zangar da ta gudana na tsawon makonni a sassa daban-daban na ƙasar. Gangamin, wanda aka yi wa laƙabi da Cockroach Janta Party , ya fara ne saboda zargin kwarmata takardun jarabawa kafin ɗalibai su rubuta su. A cewar rahotanni, jagororin zanga-zangar sun zargi jami'an tsaro da kama da kuma cin zarafin daruruwan masu zanga-zanga a babban birnin ƙasar da sauran yankuna. Rahotanni sun kuma nuna cewa har yanzu ana ci gaba da tsare wasu

azubairu (legacy byline)