Ammasco Radio 90.7 FMAmmasco Radio90.7 FM · Gaskiya Tushen Nasara
KANO, NIJERIYAEnglish

AMMASCO RADIO NEWSROOM

Labarai

business

‘Yan kasuwar man fetur sun yi watsi da rahoton cewa matatar Dangote na shirin dakatar da sayar da fetur ga ‘yan kasuwar da ke shigo da man daga waje

‘Yan kasuwar man fetur da masu shigo da shi sun yi watsi da rahoton cewa matatar Dangote na shirin dakatar da sayar da fetur ga ‘yan kasuwar da ke shigo da man daga ƙasashen waje. Sun zargi matatar da ƙoƙarin hana shigo da fetur, tare da kalubalantar ta da ta gabatar da hujjar cewa fetur ɗin da ake shigowa da shi Najeriya bai cika ƙa’idojin inganci ba. Rahotanni sun ce matatar na nazarin takaita sayar da fetur ga manyan ‘yan kasuwa da ke ci gaba da shigo da man daga waje. Matatar na zargin wasu ‘yan kasuwa da haɗa fetur ɗin da suka saya daga Dangote da na waje, lamarin da take ganin zai iya h

Adamu Abdullahi

top stories

Shugaba Bola Tinubu, ya ce ci gaban da tattalin arzikin ƙasar ke samu ya nuna cewa sauye-sauyen da gwamnatin sa sun fara haifar da Da mai ido

Shugaban Kasa, Bola Tinubu, ya ce ci gaban da tattalin arzikin ƙasar ke samu ya nuna cewa sauye-sauyen da gwamnatin sa ta aiwatar ya fara haifar da sakamako mai amfani. Hakan na zuwa bayan Hukumar Kididdiga ta Ƙasa (NBS) ta bayyana cewa tattalin arzikin Najeriya ya ƙaru da kashi 4.43 cikin ɗari a rubu’i na biyu na shekarar 2026, daga kashi 4.23 a makamancin lokacin shekarar 2025. Tinubu, a cikin wata sanarwa da mai ba shi shawara kan yaɗa labarai, Bayo Onanuga, ya fitar, ya ce tattalin arzikin ƙasar ya samu daidaito bayan shekaru uku na aiwatar da sauye-sauyen da ya kira masu muhimmanci. Ya ce

Adamu Abdullahi

security

NAPTIP ta ce ta ceto yara sama da 180 da aka yi safararsu daga jihohin Kaduna, Anambra, Benue, Nasarawa da wasu wurare a ƙasar nan

Hukumar ta bayyana cewa wasu ƙungiyoyin masu fataucin yara na yaudarar iyaye ta hanyar bayyana kansu a matsayin ma'aikatan ƙungiyoyin fararen hula masu tallafa wa yara da ilimi, sannan su tafi da yaran da sunan ba su ilimi da tallafi. A baya-bayan nan, an ceto wasu yara uku da aka kwaso daga Kajuru a jihar Kaduna a wani gini da ke Onitsha ta jihar Anambra, yayin da aka kuma gano wani yaro a hannun wata ma'aikaciyar lafiya. NAPTIP ta ce wasu daga cikin yaran da aka ceto an kai su gidajen marayu inda aka rika sayar da su ga mutane da sunan ɗaukar yara reno. Hukumar ta ce tana ci gaba da farautar

Adamu Abdullahi

local

Majalisar dokokin jihar Kano ta zartar da ƙudirin dokar kafa hukumar tattalin arziki ta jihar da Gwamna Abba Kabir Yusuf zai jagoranta.

Majalisar ta zartar da dokar kafa hukumar ne a zaman majalisar da aka gudanar a Ranar litinin bisa jagorancin shugaban ta Hon. Jibril Isma'il Falgore. Hukumar da ake sa ran idan Gwamnati ta amince da ita, za ta yi aiki ƙarƙashin Gwamna Abba Kabir Yusuf, da wasu daga cikin kwamishinonin sa da shugabannin ƙananan hukumomin jihar. Kazalika, hukumar za ta tsara yadda za a samar da cigaban tattalin arzikin jihar da inganta masana'antu tare da samar da aikin yi a tsakanin matasa

Adamu Abdullahi

world

Pezeshkian ya gana da Firaministan Pakistan a taron SCO

Shugaban Iran, Masoud Pezeshkian , ya gana da Firaministan Pakistan, Shehbaz Sharif , a gefen taron Ƙungiyar Haɗin Kan Shanghai (SCO) da aka gudanar a ƙasar Kyrgyzstan. Kamfanin dillancin labaran gwamnatin Iran, IRNA , ya ce ganawar ta mayar da hankali kan batutuwan da suka shafi dangantakar ƙasashen biyu, sai dai ba a bayyana cikakkun bayanan tattaunawar ba. Pakistan na taka muhimmiyar rawa wajen shiga tsakani a tattaunawar da ake yi tsakanin Iran da Amurka , yayin da jami’an ƙasashen biyu ke ci gaba da ganawa akai-akai tun bayan taron da aka gudanar a Islamabad. Shugaban China Xi Jinping , S

azubairu (legacy byline)

local

Sarkin Kano Sanusi II ya jagoranci Sallar Gani a karon farko

Sarkin Kano, Muhammadu Sanusi na II , ya jagoranci Sallar Gani a birnin Kano a karon farko, yayin da ɗaruruwan mahaya dawakai suka fito domin gudanar da bikin zagayowar ranar haihuwar Annabi Muhammad (S.A.W). Sallar Gani wata tsohuwar al’ada ce da Masarautar Kano ke gudanarwa domin tunawa da zagayowar ranar haihuwar Annabi Muhammad (S.A.W), tare da nuna al’adun gargajiya da tarihin masarautar. A bana, an gudanar da hawan na tsawon kwanaki biyu, inda Sarkin Kano ya zagaya sassa daban-daban na birnin tare da rakiyar masu sarauta da mahaya dawakai, yayin da dubban mutane suka fito domin kallon bi

azubairu (legacy byline)

top stories

Turkiyya, Saudiyya da Pakistan sun fara tattaunawar yarjejeniyar tsaron juna

Ministocin harkokin waje da manyan jami’an tsaro daga Turkiyya, Saudiyya da Pakistan sun gudanar da taronsu na farko a Istanbul ranar Litinin, 31 ga Agusta, kan yarjejeniyar tsaron juna da ƙasashen suka rattaba hannu a kanta a Makka. Taron ya samu halartar manyan jami’ai da suka haɗa da Ministan Harkokin Wajen Turkiyya Hakan Fidan , Ministan Harkokin Wajen Saudiyya Faisal bin Farhan , da Ministan Harkokin Wajen Pakistan Muhammad Ishaq Dar , tare da manyan jami’an tsaro da hafsoshin sojojin ƙasashen uku. Kasashen sun rattaba hannu kan Yarjejeniyar Tsaron Juna ta Makka kimanin makonni uku da suk

azubairu (legacy byline)

local

An sayar da kujerun aikin Hajjin 2027 gaba ɗaya a Kano

Hukumar Jin Daɗin Alhazai ta Jihar Kano ta sanar da cewa an sayar da dukkan kujeru 3,050 da aka ware wa jihar domin gudanar da aikin Hajjin shekarar 2027 . Babban Daraktan Hukumar, Abubakar Ibrahim Matawalle , ya ce an samu nasarar ne bayan da hukumar ta buƙaci maniyyatan da ke buƙatar kujerun su gaggauta biyan kuɗaɗen Hajji tare da kammala dukkan takardun da ake buƙata. Ya bayyana cewa akwai sama da mutum 200 da ke jiran samun gurbi idan wasu daga cikin waɗanda suka samu kujeru suka gaza cika sharuddan tafiya. Matawalle ya kuma gargaɗi waɗanda suka biya kuɗin Hajji amma ba su gabatar da fasfo

azubairu (legacy byline)

world

IRGC: Babban jirgin dakon mai ya taka nakiyoyi biyu a mashigar Hormuz

Rundunar Juyin Juya Halin Musulunci ta Iran, IRGC, ta ce wani babban jirgin dakon mai ya kama da wuta tare da tsaya wa cak, bayan ya taka nakiyoyin ruwa guda biyu a kudancin mashigar Hormuz. A cewar rundunar, jirgin na ƙoƙarin bin wata hanya da ta ce an haramta amfani da ita. A wata sanarwa da kafafen yaɗa labaran Iran suka wallafa, IRGC ta ce duk wani jirgin ruwa da ya karya dokokin tsaron da ta gindaya a mashigar Hormuz na iya fuskantar irin wannan sakamako. Har yanzu ba a bayyana sunan jirgin dakon man ba, ko kuma ƙasar da yake ɗauke da tutarta. IRGC ta jaddada cewa dukkan jiragen ruwa da k

azubairu (legacy byline)

world

Ambaliyar Nepal: Mutum 903 sun mutu, 4,247 sun ɓace

Adadin mutanen da suka mutu sakamakon mummunar ambaliyar ruwa a Nepal ya kai 903, yayin da wasu 4,247 suka ɓace. Hukumomin ƙasar sun tabbatar da mutuwar aƙalla mutum 903, yayin da ake ci gaba da aikin ceto da kuma neman dubban mutanen da har yanzu ba a san inda suke ba. Hukumomin kula da bala’o’i na Nepal sun ce adadin waɗanda suka ɓace ya ƙaru sosai, daga mutum 2,502 da aka sanar a ranar Lahadi zuwa 4,247. Daga cikin mutanen da ake nema akwai ’yan ƙasar Nepal 3,655 da kuma baki 592. Ambaliyar ta yi mummunar barna a yankunan da ke kusa da iyakar Nepal da China, inda ta lalata gidaje, hanyoyi d

azubairu (legacy byline)

top stories

Fiye da mutum 2,000 sun koma PDP daga APC, ADC da NDC a Yobe

Fiye da mutum 2,000 ne suka sauya sheƙa zuwa jam’iyyar PDP daga jam’iyyun APC, ADC da NDC a ƙaramar hukumar Nangere da ke jihar Yobe, gabanin babban zaɓen shekarar 2027. Gidan Talabijin na Channels ya ruwaito cewa an karɓi sabbin mambobin ne a wani taro da aka gudanar a Sabon Garin Nangere. Mamban kwamitin amintattu na PDP, kuma tsohon ɗan takarar Sanatan Yobe ta Kudu, Halilu Mazagane, ya ce mutum 500 daga cikin waɗanda suka sauya sheƙar sun fito ne daga APC, 1,300 daga ADC, yayin da 225 suka fito daga NDC. Mazagane ya yi kira ga sabbin mambobin da sauran magoya bayan jam’iyyar da su kasance m

azubairu (legacy byline)

top stories

Tinubu Ya Nemi Afirka Ta Ƙarfafa Haɗin Kai Da Tsaron Nahiyar

Shugaban Najeriya, Bola Ahmed Tinubu, ya yi kira ga ƙasashen Afirka da su ɗauki matakan ƙarfafa haɗin kai, samar da mafita daga cikin gida da kuma inganta tsaron nahiyar. Tinubu ya bayyana waɗannan shawarwarin ne a taron musamman na Tarayyar Afirka (AU) da aka gudanar a Luanda, babban birnin Angola , inda Mataimakin Shugaban Ƙasa, Kashim Shettima, ya wakilce shi. A cewar Abdulaziz Abdulaziz, ɗaya daga cikin masu magana da yawun Shugaba Tinubu, shugaban na Najeriya ya gabatar da wasu shawarwari da ya ce za su taimaka wajen magance matsalolin tsaro da rikice-rikicen da ke addabar wasu ƙasashen A

azubairu (legacy byline)

local

Atiku Ya Soki Tafiyar Tinubu Zuwa Turai, Ya Ce Ƙasa Na Bukatar Shugabanci

Ɗan takarar shugaban ƙasa na jam’iyyar ADC a zaɓen 2027, Atiku Abubakar, ya soki tafiyar Shugaban Najeriya, Bola Ahmed Tinubu, zuwa Turai, yana mai cewa shugaban ƙasar ya zaɓi yin hutu ne a lokacin da Najeriya ke fuskantar manyan ƙalubale. Atiku ya bayyana hakan ne a cikin wata sanarwa, inda ya ce yanayin da ƙasar ke ciki na buƙatar shugaban ƙasa ya kasance tare da al’ummarsa domin fuskantar matsalolin da suke addabar su. Ya ce duk da cewa shi ma ya taɓa yin tafiye-tafiye tare da zama a ƙasashen waje, akwai babban bambanci tsakanin tafiyar mutum mai zaman kansa da kuma ta shugaban ƙasa mai ci.

azubairu (legacy byline)

security

An kama wata mata Mrs. Iyabo Sowunmi, da zargin kokarin shigar da haramtattun miyagun kwayoyi gidan gyaran hali dake jihar Ogun

Hukumar Kula da Gidajen Gyaran Hali ta Najeriya reshen Jihar Ogun ta kama wata mata, Mrs. Iyabo Sowunmi, bisa zargin ƙoƙarin shigar da wasu ƙwayoyi da ake zargin haramtattu ne zuwa Cibiyar Tsare Fursunoni da ke Ibara, Abeokuta, domin ɗanta, Dare Sowunmi, wanda ake tsare bayan yanke wa hukuncin kisa. Mai magana da yawun Hukumar Kula da Gidajen Gyaran Hali ta Najeriya, reshen Jihar Ogun, Olayinka Odukoya, ne ya bayyana hakan a cikin wata sanarwa da ya fitar ranar Litinin. Odukoya ya ce an kama Sowunmi da misalin ƙarfe 1:33 na rana ranar Juma'a, 28 ga Agusta, 2026, yayin da ake gudanar da bincike

Adamu Abdullahi

health

Karamar Hukumar Funtua ce ke kan gaba a yawan waɗanda ake zargin sun kamu da cutar mashako a Jihar Katsina

Karamar Hukumar Funtua ce ke kan gaba a yawan waɗanda ake zargin sun kamu da cutar mashako a Jihar Katsina, yayin da rahotannin cutar suka fito daga ƙananan hukumomi 29. Wannan na cikin sanarwar da Hukumar Kula da Lafiya a Matakin Farko ta Jihar Katsina ta fitar bayan taron manema labarai da aka gudanar. Sanarwar ta bayyana cewa, bayanan da aka tattara zuwa ranar 28 ga Agustan da muke bankwana da shi sun nuna Funtua ce ke da rahotannin da suka fi yawa, sai Kankia, Bakori, Katsina, Mashi da Daura. Mukaddashiyar Shugabar Hukumar Kula da Lafiya a Matakin Farko ta Jihar, Dr. Shaima’u Kabir Abba, t

Adamu Abdullahi

top stories

An tsinci wata jaririya Sabuwar haihuwa da aka jefar da ita a cikin kwali a Benue

An tsinci wata jaririya da ake zargin an yi an jefar da ita a kwali jim kaɗan bayan haihuwarta a dajin Ashar da ke cikin yankin Wuese na Ƙaramar Hukumar Konshisha ta Jihar Benue. Rahotanni sun bayyana cewa an gano jaririyar, wadda ake kyautata zaton ta shafe kusan kwanaki uku a cikin dajin, a ranar Asabar inda wani mazaunin yankin, Madam Mbakasev Yisa, ta gano ta bayan da ta ji alamun cewa akwai alamun motsi a cikin kwali. An nade jaririyar da tufafi sannan aka sanya ta cikin kwali, inda ake zargin an samu tsutsotsi a kusa da jikinta, yayin da wani wari mai tsanani ke fitowa daga cikin kwalin.

Adamu Abdullahi

security

Operation FANSAN YAMMA sun kashe wani babban mataimakin shugaban 'yan ta'adda tare da kwato bindigogi a jihar Katsina

Dakarun rundunar hadin gwiwa ta Arewa maso Yamma, karkashin Operation FANSAN YAMMA, sun yi nasarar ajalin wani babban mataimakin shugaban 'yan ta'adda tare da kwato bindigogi, alburusai da babura yayin wani samame a karamar hukumar Matazu ta jihar Katsina. An gudanar da samamen ne jiya asabar yayin da dakarun Sector 2 suka kutsa cikin wasu maboyar 'yan ta'adda da aka gano a yankin. A wata sanarwa da jami'in yada labarai na rundunar hadin gwiwar, Laftanar Kanal Aliyu Danja, ya fitar yau Lahadi, ya ce dakarun sun fuskanci turjiya mai tsanani daga 'yan ta'adda dauke da makamai yayin samamen. Sai

Adamu Abdullahi

local

Shugaba Tinubu zai bar Abuja a yau domin tafiya Turai don fara hutun makonni uku cikin hutunsa na shekara - shekara

Shugaban kasa Bola Ahmed Tinubu zai bar Abuja a yau domin tafiya Turai, inda zai fara hutun makonni uku a matsayin wani bangare na hutunsa na shekara-shekara. Birnin Landan na Birtaniya ne zai kasance zangonsa na farko a wannan tafiya. Mai bai wa shugaban kasa shawara na musamman kan yada labarai, Bayo Onanuga, ne ya bayyana hakan a wata sanarwa da ya fitar yau Lahadi. Sanarwar ta ce ana sa ran Tinubu zai dawo Nijeriya bayan kammala hutun, domin shiga cikin harkokin yakin neman zaben 2027.

Adamu Abdullahi

security

’Yan Sandan Jigawa sun ƙwato shanu, babura da wasu kayayyaki a samame da suka gudanar a sassan jihar

Rundunar ’Yan Sandan Jihar Jigawa ta kama mutane 17 kan zargin aikata laifuka daban-daban, tare da ƙwato shanu, babura da wasu kayayyaki a samame da ta gudanar a sassan jihar. Wannan na cikin sanarwar da Kakakin Rundunar ’Yan Sandan Jihar Jigawa, SP Shiisu Lawan Adam, ya fitar. Sanarwar ta bayyana cewa, an kama mutanen ne a samame daban-daban da aka gudanar a ƙananan hukumomin Malam Madori, Gwaram, Garki, Kiyawa, Taura, Birniwa, Dutse, Ringim, Miga, Kazaure da Roni, bisa zargin sata, fasa shaguna, satar shanu, lalata kadarori da fashi da makami. Rundunar ta ce, daga cikin kayayyakin da aka ƙwa

Adamu Abdullahi

top stories

Gwamnatin Jigawa ta fara gudanar da jarabawar da ta tsara ta kwamfuta ga mutum 2,370 da za a dauka malaman tsangayu

Gwamnatin Jihar Jigawa ta fara gudanar da jarabawar da ta tsara ta kwamfuta ga mutum 2,370 da aka tantance domin ɗaukar malaman makarantun Tsangaya 500 a faɗin jihar. Babban Sakataren Hukumar Ilimin Tsangaya ta jihar, Dokta Abubakar Maje Hamisu, ya ce mutane kusan 9,000 ne suka nemi aikin, amma aka tantance 3,500 bisa la’akari da wuraren da makarantun Tsangaya suke. Ya bayyana hakan ne yayin da ake gudanar da jarabawar, yana mai cewa an shirya ta ne domin tabbatar da ɗaukar ƙwararrun malamai da za su taimaka wajen shirin farfaɗo da tsarin ilimin Tsangaya. Ya ce daga cikin malaman 500 da za a ɗ

Adamu Abdullahi