Ammasco Radio90.7 FM · Gaskiya Tushen NasaraAMMASCO RADIO NEWSROOM
Wakilin dindindin na Nijeriya a Majalisar Ɗinkin Duniya, Jimoh Ibrahim, ya ce karɓar daftarin kasafin kuɗin ya zama tarihi, yana mai cewa shi ne karo na farko cikin shekaru 66 da shugaban ƙasar ya karɓi irin wannan takarda.
Bankin Lamunin Gidaje na Nijeriya ya ce zai ƙaddamar da sabbin shirye-shirye kafin ƙarshen Oktoba 2026 domin faɗaɗa damar mallakar gida da rage nauyin kuɗin haya ga ma’aikata.
Shugaban Amurka, Donald Trump, ya ce a shirye yake ya halarci taro tsakanin shugabannin ƙasashen uku, amma ya jaddada cewa rage makaman nukiliya ne zai fi mayar da hankali a kai, ba yaƙin Ukraine ba.
Jam’iyyar APC ta ce ba ta da hannu a duk wani shiri na cutar da Atiku Abubakar, tare da kira ga Timi Frank da ya miƙa hujjojinsa ga hukumomin tsaro domin gudanar da bincike.
Hukumar DSS ta gurfanar da mutum biyar da ake zargi da hannu a sace ’yan bautar ƙasa 20 da wani farar hula a Jihar Imo, bayan ceto mutanen 21 daga hannun masu garkuwa da mutane.
Hukumomi sun ce kyama da rashin fahimtar cutar tarin fuka na hana wasu marasa lafiya neman magani a kan lokaci, yayin da rashin tsaro da ƙarancin magunguna ke ƙara kawo cikas ga yaƙi da cutar.
Ƙungiyar Tarayyar Turai (EU) ta yi kakkausar suka kan harin da wasu Yahudawa ’yan kama wuri zauna suka kai wa jami’an diflomasiyyar Turai da wani magajin gari na Faransa a Yammacin Kogin Jordan da Isra’ila ta mamaye.
Shugaban Najeriya, Bola Ahmed Tinubu, ya amince da sayen ƙarin taragon jiragen ƙasa da na’urorin tsaro na zamani domin inganta sufurin jiragen ƙasa da yaƙi da laifuka, ciki har da fashi da makami, garkuwa da mutane da lalata layin dogo.
Aƙalla mutane uku sun rasa rayukansu, yayin da wasu suka samu raunuka, sannan aka ƙona gidaje da babura a wani rikici tsakanin makiyaya da manoma a Paikon-Kore, da ke ƙaramar hukumar Gwagwalada a Babban Birnin Tarayya Abuja.
Hukumar agaji ta ƙasa da ƙasa, ICRC, ta ce matsalar ƙarancin abinci mai gina jiki ta ƙaru a wasu yankunan arewa maso gabashin Najeriya, inda adadin mutanen da ke fama da ita ya tashi daga kusan 17,000 zuwa 20,000, bisa bayanan da aka tattara daga cibiyoyin lafiya.
Gwamnatin Tarayya ta sake jaddada cewa ba za ta dawo da tsarin tallafin man fetur ba, duk da matsin tattalin arziki da ’yan Najeriya ke fuskanta sakamakon tsadar rayuwa da hauhawar farashin kayayyaki.
Gwamnatin Tarayya ta yi kira da a faɗaɗa gwajin gano kansar mahaifa, allurar rigakafin HPV da kuma gano cutar tun da wuri, bayan rahotanni sun nuna cewa ta kashe mutane 7,093 a Nijeriya a shekarar 2022.
Jami’an diflomasiyya daga Faransa, Belgium da Poland sun fuskanci hari daga wasu ’yan kama wuri zauna na Isra’ila yayin da suke ziyartar ƙauyen Taybeh da ke Yammacin Kogin Jordan da aka mamaye.
Shugaba Bola Tinubu zai halarci gangamin yaƙin neman zaɓen sake zaɓensa a jihohi 12 na Nijeriya gabanin zaɓen 2027, yayin da shugabannin jam’iyyar APC za su wakilce shi a sauran jihohin ƙasar.
Mahukuntan Saudiyya sun zartar da hukuncin kisa kan wasu ’yan ƙasar biyar da suka ce an same su da laifukan da suka shafi ta’addanci.
Najeriya ta ci gaba da gudanar da shari’o’in masu zargin aikata laifukan ta’addanci, inda a ranar 16 ga Oktoba aka yanke wa mutum 21 hukuncin ɗauri kan laifuka daban-daban da suka shafi ta’addanci, ciki har da wani ɗan ƙasar China, kamar yadda jaridar The Sun ta ruwaito.
Farashin ɗanyen mai a kasuwannin duniya ya kusanci dala 110 kan kowace ganga, a karon farko tun daga watan Mayun 2026, sakamakon fargabar ƙarin tsanantar rikici a yankin Gabas ta Tsakiya.
An zaɓi Najeriya a matsayin mamba a Majalisar Kare Haƙƙin Ɗan Adam ta Majalisar Ɗinkin Duniya (UNHRC) na wa’adin shekarun 2027 zuwa 2029, bayan ta samu ƙuri’u 172 cikin ƙuri’u 181 da aka kaɗa a Babban Zauren Majalisar Ɗinkin Duniya.
Uwargidan Shugaban Ƙasar Najeriya, Sanata Oluremi Tinubu, ta yi kira da a ƙara zuba jari wajen tallafa wa matan da ke zaune a karkara, domin bunƙasa noma, inganta samar da abinci da kuma ƙarfafa tattalin arziki.
Mahukuntan Kwalejin Nazarin Addinin Musulunci da Koyon Shari’a ta Aminu Kano (AKCILS) sun musanta jita-jitar da ke yaɗuwa a kafafen sada zumunta cewa makarantar na hana ɗalibai mata masu sanya niƙabi shiga harabar kwalejin.
