AMMASCO RADIO NEWSROOM

Labarai

’Yan Majalisar Wakilai Sun Dakatar da Hutun Majalisa

Wasu ’yan Majalisar Wakilan Najeriya sun buƙaci majalisar tarayya ta dakatar da hutun da take yi, domin gudanar da zaman gaggawa kan wasu muhimman batutuwan da suka shafi ci gaban ƙasa. ’Yan majalisar, waɗanda suka fito daga jam’iyyu daban-daban, sun kafa wata ƙungiya mai suna Save Democracy Group , wadda ta ce manufarta ita ce kare dimokuradiyya da ƙarfafa tsarin mulkin ƙasa. Ƙungiyar ta buƙaci shugabannin majalisun tarayya guda biyu da su kira zaman gaggawa domin tattauna yadda ake aiwatar da kasafin kuɗin shekarun 2024, 2025 da 2026 , tare da duba wasu batutuwa da suka shafi tafiyar da hark

azubairu (legacy byline)

sports8 Agu, 2026

FIFA Ta Musanta Zargin Cewa UEFA Ta Biya wata Mata a lokacin da Gianni Infantino yake jagorantar hukumar ƙwallon ƙafa ta Turai.

Hukumar ƙwallon ƙafa ta duniya, FIFA , ta musanta wani rahoto da ke zargin cewa UEFA ta biya wata mata da aka bayyana a matsayin masoyiyar shugabanta, Gianni Infantino , a lokacin da yake jagorantar hukumar ƙwallon ƙafa ta Turai. Wani mai magana da yawun FIFA ya bayyana zargin da jaridar Daily Telegraph ta Birtaniya ta wallafa a matsayin wanda ba shi da wata gaskiya ko kaɗan , yana mai cewa Infantino ya yi kakkausar suka ga rahoton. Sai dai UEFA ta tabbatar da cewa ta biya matar da ake magana a kanta wani kuɗin sallama bayan ta bar aikinta, sannan ta ɗauki nauyin karatun MBA ɗinta. UEFA ta ce

azubairu (legacy byline)

Mutane 25 Sun Mutu, Macizai Sun Sari Wasu, Mata Biyu Sun Haihu Yayin da Suke Hannun Masu Garkuwa

Fiye da mutane 300 da aka yi garkuwa da su a hare-hare daban-daban a jihohin Kwara da Neja sun samu 'yanci bayan kusan watanni shida a hannun masu garkuwa da mutane. Fadar Shugaban Ƙasa ta bayyana aikin ceto a matsayin ɗaya daga cikin manyan ayyukan da jami'an tsaro suka gudanar cikin rana guda, inda aka kuɓutar da mutane 308 da aka yi garkuwa da su a hare-haren da aka kai a jihohin biyu. Daga cikin waɗanda aka ceto akwai mutane 163 da aka yi garkuwa da su a hare-haren da aka kai kan al'ummomin Woro da Nuku a Jihar Kwara a watan Fabrairu, inda aka kashe wasu daga cikin mazauna yankin. Sai dai

azubairu (legacy byline)

business7 Agu, 2026

Darajar Hannayen Jari Ta Najeriya Ta Haura Naira Tiriliyan 150

Ƙungiyar Kasuwar Hannayen Jari ta Najeriya (NGX Group) ta bayyana cewa darajar kasuwar kamfanonin da aka jera a kasuwar hannayen jari ta ƙaru daga kusan Naira tiriliyan 30 a watan Mayun 2023 zuwa sama da Naira tiriliyan 150 a halin yanzu. Manajan Darakta kuma Babban Jami’in Gudanarwa na NGX Group, Temi Popoola , ne ya bayyana hakan bayan wata ganawa da shi da shugaban NGX da Darakta Janar na Hukumar Kula da Kasuwar Hannayen Jari (SEC) suka yi da Shugaba Bola Ahmed Tinubu a Fadar Shugaban Ƙasa da ke Abuja. Popoola ya ce tawagar ta yi wa Shugaban Ƙasa bayani kan yadda kasuwar hannayen jari ke bu

azubairu (legacy byline)

top stories7 Agu, 2026

Birtaniya Ta Naɗa Vicky Seymour a Matsayin Mataimakiyar Babbar Jakadiya a Najeriya

Gwamnatin Birtaniya ta sanar da naɗin Ms Vicky Seymour a matsayin sabuwar Mataimakiyar Babbar Jakadiyar Birtaniya a Abuja . A cikin wata sanarwa da Babbar Hukumar Jakadancin Birtaniya ta fitar, an bayyana cewa Seymour ta maye gurbin Mrs Gill Lever OBE , wadda ta kammala aikinta a Najeriya a watan Yunin 2026. Sanarwar ta ce Vicky Seymour ta riga ta fara aiki a Abuja, inda za ta taimaka wajen ƙarfafa dangantakar Birtaniya da Najeriya a fannoni daban-daban. Waɗannan fannoni sun haɗa da bunƙasa tattalin arziki, tsaro, harkokin ƙaura da shige da fice, ci gaban al'umma, haɗin gwiwar ƙasa da ƙasa, da

azubairu (legacy byline)

security7 Agu, 2026

PSC Ta Miƙa Sabbin ’Yan Sanda 50,000 Ga Rundunar ’Yan Sanda.

Hukumar Kula da Ayyukan ’Yan Sanda (Police Service Commission – PSC) ta miƙa sabbin jami’an ’yan sanda 50,000 da aka ɗauka aiki ga Rundunar ’Yan Sandan Najeriya domin fara horo, a wani mataki na ƙara ƙarfafa ƙarfin aikin tsaro a faɗin ƙasar. A cikin wata sanarwa da Hukumar ta fitar, ta ce ɗaukar sabbin jami’an ya gudana ne bisa umarnin Shugaban Ƙasa, Bola Ahmed Tinubu , tare da bin dukkan tanade-tanaden doka da suka shafi aikin. Hukumar ta bayyana cewa an miƙa jerin sunayen waɗanda suka yi nasara a aikin ɗaukar ma’aikatan ga Rundunar ’Yan Sandan Najeriya domin a tura su zuwa cibiyoyin horo da

azubairu (legacy byline)

top stories7 Agu, 2026

Sufeto Janar na ’Yan Sanda Ya Tura Sabbin Kwamishinonin ’Yan Sanda Zuwa Jihohi da Manyan Sassa

Sufeto Janar na Rundunar ’Yan Sandan Najeriya (IGP), Olatunji Rilwan Disu , ya amince da tura sabbin Kwamishinonin ’Yan Sanda (CPs) zuwa wasu jihohi da manyan sassan rundunar a faɗin ƙasar, bayan Hukumar Kula da Ayyukan ’Yan Sanda (Police Service Commission) ta amince da shawarwarinsa. A cewar sanarwar da Jami’in Hulɗa da Jama’a na Rundunar, CSP Ani Iniedu , ya fitar, matakin na da nufin ƙarfafa ingancin ayyukan tsaro, bunƙasa shugabanci a rundunar, da kuma ci gaba da aiwatar da gyare-gyaren da ake yi domin inganta aikin ’yan sanda. Sabbin Kwamishinonin da aka tura zuwa jihohi sun haɗa da: Jih

azubairu (legacy byline)

world7 Agu, 2026

Shugaban Mossad Ya Sallami Manyan Jami'ai Biyu Bisa Zargin Gazawar Shirin Kifar da Gwamnatin Iran

Kafofin yaɗa labarai na Isra'ila sun ruwaito cewa shugaban Hukumar Leƙen Asiri ta Mossad, Roman Goffman , ya sallami wasu manyan jami'ai biyu na hukumar bisa zargin cewa su ne suka tsara wani shirin sirri da bai yi nasarar kifar da gwamnatin Iran ba. A cewar tashar talabijin ta Channel 12 ta Isra'ila, ɗaya daga cikin jami'an da aka kora ya jagoranci sashen tattara bayanan sirri na Mossad tun watan Disamban 2015, yayin da ɗayan kuma ke shugabantar sashen da ke kula da harkokin Iran. Sai dai ba a bayyana sunayensu ba. Rahoton ya ce jami'an biyu sun tsara wani shirin sirri da nufin kifar da gwamn

azubairu (legacy byline)

top stories7 Agu, 2026

DSS Ta Gurfanar da Tsohon Jami'inta Bisa Zargin Alaƙa da IPOB

Hukumar Tsaron Farin Kaya ta Najeriya (DSS) ta gurfanar da wani tsohon jami'inta, Nwaogu Ihechimere Ezeakolam , a gaban Babbar Kotun Tarayya da ke Abuja bisa zargin kasancewa mamba a haramtacciyar ƙungiyar IPOB (Indigenous People of Biafra) . An gurfanar da shi ne a ranar Alhamis a gaban Mai Shari'a Mohammed Garba Umar kan tuhume-tuhume guda huɗu da Gwamnatin Tarayya ta shigar a kansa. DSS na zargin Ezeakolam da bai wa IPOB goyon baya ta hanyar samar mata da kayan aiki, shiga ƙungiyar duk da sanin cewa an haramta ayyukanta, da kuma wallafa saƙonni a shafukan sada zumunta domin ƙarfafa jama'a s

azubairu (legacy byline)

top stories7 Agu, 2026

Kotu Ta Ci Kamfanin Meta Tarar Dala Miliyan 567 Kan Gazawar Kare Lafiyar Yara

Wata kotu a Amurka ta ci kamfanin Meta , mai mallakar shafukan Facebook da Instagram , tarar dala miliyan 567 saboda gazawarsa wajen kare lafiyar yara da matasa masu amfani da shafukan sada zumunta. Rahotanni sun bayyana cewa wannan ita ce mafi girman tara da aka taɓa kakaba wa kamfanin Meta a irin wannan shari'a. Alƙalin da ya yanke hukuncin ya ce Meta ya taka rawa wajen ƙara matsalolin lafiyar ƙwaƙwalwa da damuwar da wasu yara da matasa ke fuskanta sakamakon yadda suke amfani da shafukan Facebook da Instagram. Kotun ta kuma umarci kamfanin da ya yi sauye-sauye a tsarin amfani da shafukansa g

azubairu (legacy byline)

top stories7 Agu, 2026

NLC da TUC Sun Buƙaci A Sanya Naira 500,000 a Matsayin Sabon Mafi Ƙarancin Albashi

Ƙungiyar Ƙwadago ta Najeriya (NLC) da Ƙungiyar Ma’aikata ta TUC sun buƙaci Gwamnatin Tarayya ta amince da biyan ma’aikatan Najeriya mafi ƙarancin albashi na Naira 500,000 . Mataimakin Shugaban Ƙasa na NLC kuma Shugaban Ƙungiyar Malaman Najeriya (NUT), Kwamared Audu Titus Amba, ne ya bayyana wannan buƙata yayin taron Nigeria Rights of Workers Summit da aka gudanar a ranar Alhamis a Birnin Kebbi, babban birnin Jihar Kebbi. Kwamared Amba, wanda ya wakilci Shugaban NLC na ƙasa, Kwamared Joe Ajaero, ya ce wa’adin yarjejeniyar albashin mafi ƙaranci na N70,000 da aka cimma tsakanin ƙungiyoyin ƙwadago

azubairu (legacy byline)

world7 Agu, 2026

Gwamnati da Ƴan Adawa a Venezuela Sun Fara Tattaunawar Miƙa Mulki Cikin Lumana

Wakilan gwamnatin riƙon ƙwarya da na ƴan adawa a ƙasar Venezuela sun kammala zaman farko na tattaunawa kan yadda za a gudanar da miƙa mulki cikin lumana da kuma tabbatar da kwanciyar hankali a ƙasar. Bangarorin biyu sun bayyana aniyarsu ta yin aiki tare domin samar da mafita da za ta kasance bisa tanade-tanaden kundin tsarin mulkin Venezuela, tare da tabbatar da tsarin dimokuraɗiyya da zaman lafiya. Tattaunawar na gudana ne bayan sauyin mulki da ya kawo ƙarshen shugabancin Nicolas Maduro a watan Janairu, lamarin da ya buɗe sabon babi a siyasar ƙasar. Ƙasar Amurka ta bayyana goyon bayanta ga wa

azubairu (legacy byline)

world7 Agu, 2026

Ɗalibi Mai Shekara 14 Ya Kashe Mutum Shida a Harin Bindiga a Makaranta a Thailand

Wani ɗalibi mai shekara 14 ya buɗe wuta da bindiga a wata makaranta da ke jihar Nonthaburi, kusa da birnin Bangkok na ƙasar Thailand, lamarin da ya yi sanadin mutuwar mutum shida. A cewar 'yan sandan ƙasar, waɗanda suka rasa rayukansu sun haɗa da ɗalibai da malamai, yayin da aƙalla mutum 15 suka jikkata a harin. Jami'an tsaro sun ce sun fara gudanar da bincike domin gano musabbabin harin da kuma abin da ya sa ɗalibin ya aikata wannan aika-aika. Hotunan da aka yaɗa a kafafen sada zumunta sun nuna yadda ɗalibai ke gudu cikin firgici tare da neman mafaka bayan fara harbe-harben, yayin da motocin

azubairu (legacy byline)

top stories7 Agu, 2026

Hukumar Shige da Fice Ta Musanta Cewa An Kwace Ayyukan Fasfo Daga Kano

Hukumar Kula da Shige da Fice ta Najeriya (NIS) ta bayyana cewa sabon tsarin da ta bullo da shi na mayar da aikin buga fasfo zuwa Abuja bai shafi rajista ko karɓar fasfo a ofisoshinta na jihohi ba. Hukumar ta ce rahotannin da ke yawo cewa an cire cibiyoyin gudanar da fasfo daga Kano ba gaskiya ba ne, tana mai cewa an samu kuskuren fahimtar manufar sabon tsarin. Wannan bayani ya biyo bayan cece-ku-ce da ya biyo bayan yaɗuwar wata takarda da ke nuna cewa an mayar da wasu cibiyoyin buga fasfo daga jihohi zuwa Abuja. Da yake zantawa da BBC, Jami’in Hulɗa da Jama’a na Hukumar Shige da Fice a Jihar

azubairu (legacy byline)

business7 Agu, 2026

Gwamnatin Jihar Kaduna Ta Ƙaddamar da Tsarin Sectional Titling na Farko a Najeriya Domin Ƙarfafa Mallakar Kaddarorin Kasuwanci

Shirin na gudana ne ta hanyar haɗin gwiwa tsakanin Kaduna Markets Development and Management Company (KMDMC) da Kaduna Geographic Information Service (KADGIS) , domin bai wa masu shaguna da sauran kadarorin kasuwanci da suka cancanta damar samun Takardar Shaidar Mallaka (Certificate of Occupancy – C of O) ga kowane shago ko rukunin kasuwanci da suka mallaka. Sabon tsarin ya shafi shaguna da ke cikin kasuwanni, manyan cibiyoyin kasuwanci (shopping malls), plazas da sauran gine-ginen kasuwanci masu ɗauke da raka’o’i da dama. Ana sa ran tsarin zai tabbatar da ingantacciyar mallaka ta doka, kare h

azubairu (legacy byline)

top stories7 Agu, 2026

Gwamna Uba Sani Ya Mayar da Ma’aikatan Kananan Hukumomi 37 da Aka Kore Ba Bisa Ka’ida ba a Zamanin El-Rufai

Gwamnan Jihar Kaduna, Sanata Uba Sani, ya amince da mayar da ma’aikata 37 na Hadaddiyar Hukumar Ma’aikatan Kananan Hukumomi (Unified Local Government Service) da aka kora ba bisa ka’ida ba a lokacin gwamnatin tsohon gwamna, Malam Nasir El-Rufai. Shugaban Hukumar Kula da Ma’aikatan Kananan Hukumomi ta Jihar Kaduna, Farfesa Aminu Suleiman, ne ya bayyana hakan yayin da yake miƙa takardun komawa bakin aiki ga ma’aikatan da abin ya shafa a Kaduna. A cewarsa, matakin ya biyo bayan rahoton wani kwamitin bincike da gwamnatin da ta gabata ta kafa bayan ma’aikatan sun shigar da ƙorafi kan korarsu daga a

azubairu (legacy byline)

top stories7 Agu, 2026

’Yan Jarida a Kano Sun Samu horon kan nazarin bayanai da Bibiyar Ayyukan Kiwon Lafiya daga ISMPH

An bai wa ’yan jarida a Jihar Kano horo kan dabarun nazarin bayanan kiwon lafiya da kuma bibiyar ayyukan cibiyoyin kiwon lafiya matakin farko (PHC), a wani yunƙuri na ƙarfafa ɗaukar alhaki da inganta ayyukan kiwon lafiya ga al’umma. Taron horaswar na kwanaki biyu, wanda Ƙungiyar International Society of Media in Public Health (ISMPH), tare da EngenderHealth Consortium Partnership da Unified Health Media Network, suka shirya, ya samu halartar ’yan jarida daga gidajen Jaridu daban - daban Da yake jawabi a wajen taron, Daraktan gudanarwa na ISMPH, dakta Moji Makanjuola, wanda Manajan Shirye-shiry

Adamu Abdullahi

Gwamnan Kaduna Ya Karɓi Baƙuncin Tawagar Shugabannin Gidauniyar Gates Domin Ƙarfafa Haɗin Gwiwa

Gwamnan Jihar Kaduna, Sanata Uba Sani , ya karɓi baƙuncin tawagar shugabannin Gidauniyar Gates (Gates Foundation) a wani liyafar cin abinci da aka shirya a Kaduna, ƙarƙashin jagorancin Shugaban Ofishin Afirka da Indiya kuma Babban Jami'in Tsare-tsare na gidauniyar, Ankur Vora . A cewar gwamnan, ziyarar tawagar na nuna irin ƙaƙƙarfan haɗin gwiwar da ke tsakanin gwamnatin jihar da gidauniyar, tare da ba da damar duba irin ci gaban da aka samu wajen ƙarfafa tsarin kiwon lafiya na matakin farko, bunƙasa binciken kimiyya da ake jagoranta a cikin gida, da kuma gina ingantattun tsarin tattara bayanai

azubairu (legacy byline)

health6 Agu, 2026

Gwamnatin Jihar Kano Ta Ƙara Ƙaimi Wajen Inganta Lafiyar Mata Masu Juna Biyu da Ƙananan Yara

Gwamnatin Jihar Kano ƙarƙashin jagorancin Mai Girma Gwamna, Alhaji Abba Kabir Yusuf , ta ci gaba da nuna ƙuduri wajen inganta harkokin lafiya, musamman ta fuskar kula da mata masu juna biyu da ƙananan yara a faɗin jihar. Tun bayan hawan wannan gwamnati kan mulki, Ma'aikatar Lafiya ta Jihar Kano, bisa umarnin Gwamna Abba Kabir Yusuf, ta samar da kayayyakin kula da mata masu juna biyu, waɗanda ake rabawa a ƙarshen kowane wata zuwa manyan asibitocin gwamnati da ke sassa daban-daban na jihar. An samar da waɗannan kayayyaki ne domin ƙarfafa ayyukan kula da mata masu juna biyu, musamman waɗanda ke b

azubairu (legacy byline)

general6 Agu, 2026

Operation HADIN KAI Ta Gano Manyan Jagororin ISWAP da Ake Nema a Yankin Tafkin Chadi

Rundunar Operation HADIN KAI ta sanar da samun wani gagarumin ci gaba a yaƙin da take yi da ƙungiyar ISWAP/ISIS , bayan jerin hare-haren da ta kai kan sansanonin ƴan ta'addan a yankin Tafkin Chadi da ke Arewacin Jihar Borno. A cikin wata sanarwa da Mukaddashin Jami'in Yaɗa Labarai na rundunar, Kyaftin Mohammed Goni , ya fitar, ya ce dakarun sun ƙwato wasu muhimman na'urorin sadarwa da bayanan sirri, ciki har da kyamarar bidiyo (camcorder) da ƴan ISWAP ke amfani da ita wajen ɗaukar bidiyoyin farfaganda da kuma rubuce-rubucen ayyukansu. Sanarwar ta ce binciken ƙwararru da aka gudanar kan waɗanna

azubairu (legacy byline)