’YAN SANDA SUN GARGAƊI KAN YIWUWAR HARE-HAREN TA’ADDANCI A MAKARANTU
Rundunar ’Yan Sandan Nijeriya ta gargaɗi kwamandojin ta a faɗin ƙasar da su kasance cikin shiri, sakamakon bayanan sirri da ke nuna yiwuwar kai h...
AMMASCO RADIO NEWSROOM
Labarai
Kungiyar mata Musulmi ta Arewa ta goyi bayan Tinubu a zaben 2027
Akalla mata Musulmi 500 da suka hada da malamai, masu wa’azi da shugabannin Da’awah daga jihohin Arewa 19 da Babban Birnin Tarayya Abuja, sun bayyana goyon bayansu ga Shugaba Bola Ahmed Tinubu domin ya sake lashe zaben shugaban kasa a shekarar 2027. Matan sun bayyana matsayinsu ne a karkashin kungiyar Muslim Intellectuals Forum , yayin wani taron tuntuba da aka gudanar a Kaduna ranar Lahadi. A cewarsu, sun yanke wannan shawara ne bisa la’akari da nasarorin da suka ce gwamnatin Shugaba Tinubu ta samu tun bayan hawanta kan mulki. Sun ambaci bangarorin ilimi, tsaro, samar da ababen more rayuwa da
yadda Gwamnatin Jihar Edo ta bai wa iyalan mafarauta 16 ’yan asalin Jihar Kano da aka yi wa kisan gilla a Uromi diyyar naira miliyan 96.
Gwamnatin Jihar Edo ta bai wa iyalan mafarauta 16 ’yan asalin Jihar Kano da aka yi wa kisan gilla a Uromi diyyar naira miliyan 96. Wannan na cikin sanarwar da Mai Bai wa Gwamnan Jihar Kano Shawara kan Kafafen Sadarwa na Zamani, Ibrahim Adam, ya fitar. Ibrahim Adam ya ce, iyalan kowane ɗaya daga cikin mafarauta 16 da suka rasu sun karɓi miliyan 6, wanda jimillarsa ta kai miliyan 96. Mutanen da lamarin ya shafa ’yan asalin garin Torankawa ne da ke Mazabar Sanda a Karamar Hukumar Bunkure a nan Kano. Ya ƙara da cewa, Gwamnatin Edo ta kuma bai wa mutane 13 da suka jikkata miliyan 1.8 kowannensu, wa
Ambaliyar ruwa ta lalata gidaje da gonaki a Karamar Hukumar Ghari a Jihar Kano
Ambaliya ta lalata gidaje da gonaki bayan Dam ɗin Jan Gefe da ke Karamar Hukumar Ghari a Jihar Kano ya balle. Mataimakiyar Shugabar Karamar Hukumar Ghari, Hon. Aisha Lawan ’Yan Dadi, ce ta bayyana hakan. Aisha ta ce, dam ɗin ya balle ranar Juma’ar data gabata inda ambaliyar ta lalata gidaje da gonaki tare da tafiya da dabbobi. Ta ce, lamarin ya tilasta wa wasu mazauna yankin hijira zuwa Katsina da wasu yankunan Zariya. Aisha ta ƙara da cewa ƙauyuka 61 a mazabun ’Yan Dadi, Shuwaki da Bumai ne ke amfani da dam ɗin wajen samun ruwan sha, bukatun yau da kullum da noman rani. Ta ƙara da cewa, baya
Matatar man Dangote ta bude sayar da hannayen-jarinta a yau domin baiwa alumma damar mallakar wani kaso a kamfanin
Matatar man Dangote ta bude sayar da hannayen-jarinta na farko ga jama'a, lamarin da zai bai wa masu zuba jari damar mallakar wani kaso a matatar mai mafi girma a Afirka. An kaddamar da siyan zuba hannayen-jarin yau Litinin a hukumance awani biki da za a gudanar a zauren hannun-jari na Kasuwar Hannun-Jari ta Nijeriya da ke Jihar Legas. Matakin zai bai wa jama'a damar mallakar hannun-jari a babban matatar mai ta Afirka wanda kuma ke zama daya daga cikin manyan masana'antu masu matukar muhimmanci a duniya. Kazalika ana sa ran hannayen jarin matatar zai tara kusan Naira tiriliyan 2.15, adadin da
Gwamnatin Legas zata fara cin tarar Naira 90,000 ko watanni 6 agidan yari ga duk wanda aka kama yana sayen kaya a bakin titi
Hukumar Kula da Tsaftar Muhalli ta Jihar Legas (LAWMA) ta sanar da cewa, daga mako mai zuwa, za a kama tare da gurfanar da duk wanda aka samu yana sayen kaya daga ‘yan kasuwar da ke gudanar da kasuwanci ba bisa ka’ida ba a kan tituna, tsakiyar tituna, gefen tituna, hanyoyin masu tafiya a kafa da sauran wuraren jama’a da ba a amince da yin kasuwanci a cikinsu ba. Hukumar ta ce matakin ya yi daidai da tanadin sashe na 151, karamin sashe na 2 na Dokar Kare Muhalli da Gudanar da Muhalli ta Jihar Legas ta shekarar 2017. Manajan Darakta kuma Babban Jami’in Gudanarwa na LAWMA, Dr. Muyiwa Gbadegesin,
Gwamnatin Tarayya ta bukaci a gaggauta gudanar da bincike kan kisan ‘yan Najeriya biyu a Afrika ta kudu
Gwamnatin Tarayya ta yi Allah wadai da kisan wasu ’yan Najeriya biyu da aka yi a Afirka ta Kudu, tare da neman gudanar da bincike cikin gaggawa kan musabbabin mutuwarsu. Mai magana da yawun ma’aikatar Harkokin Wajen Najeriya, Oluwafemi Adeniyi, ya ce lamarin ya ƙara jefa shakku kan tsaron baƙi a Afirka ta Kudu, musamman ’yan Afirka, a daidai lokacin da ake samun ƙaruwar hare-haren ƙyamar baƙi a ƙasar. Ya ce zargin hannu ko sakaci daga jami’an tsaro a mutuwar ‘yan Najeriya na ƙara dagula dangantakar da tuni ta yi tsami tsakanin Najeriya da Afirka ta Kudu. Gwamnatin Najeriya ta buƙaci hukumomin
rundunar yan sanda a jihar cross river ta kaddamar da bincike kan likitan Bogi daya yi wa wani dattijo aiki a 'yayan marainansa
Yan sanda a jihar cross river sun cafke wani mutuum da ake zargi likitan bogi ne da ya yiwa wani dattijo mai shekaru 60 aikin ‘ya’yan maraina a garin Ekori dake karamar hukumar Yakurr din jihar. Hakan na kunshe ne cikin wata sanarwa da mai Magana da yawun rundunar Sunday Eitokpah ya sanyawa hannu, aka kuma rabawa manema labarai a garin calaba babban birnin jihar. Sanarwar ta ce lamarin ya faru ne a wani asibiti mai zaman kansa dake garin na Ekori, bayan jikin mutumin da aka yiwa aikin wanda aka fi sani da Ukpan ya tsananta kwanani kadan bayan anyi masa aikin. Kakakin rundunar Eitokpah, ya ce a
Rundunar ‘yansandan ta kasa reshen Jihar Zamfara ta ce ta fara bincike domin gano wasu malaman Addinin Musulunci shida da aka sace a kan hanyarsu ta zuwa Talata Mafara a Zamfara.
Rundunar ‘yansandan ta kasa reshen Jihar Zamfara ta ce ta fara bincike domin gano wasu malaman Addinin Musulunci shida da aka sace a kan hanyarsu ta zuwa Talata Mafara a Zamfara. Rahotanni dai sun ce malaman suna hanyarsu ta komawa gida bayan zuwa wani taron addu’a na Jam’iyyar APC a Zamfara. ‘Yansandan sun ce tuni suka baza jami’ansu domin ceto malaman da aka sace. ’Yan bindiga sun sace limaman Musulunci shida a kan hanyar Dakko–Damri da ke ƙaramar hukumar Bakura ta Jihar Zamfara. Rundunar ’Yan Sandan Jihar Zamfara ta ce lamarin ya faru ne da misalin ƙarfe 11:30 na safiyar jiya Asabar, lokaci
INEC ta fitar da jerin sunayen ƙarshe na ’yan takarar shugaban ƙasa da mataimakansu na zaben 2027
Jerin sunayen wanda Sakatariyar Hukumar, Rose Oriaran-Anthony, ta sanya wa hannu, an fitar da shi ranar Asabar a Abuja wanda ya ƙunshi ’yan takara da jam’iyyun siyasa 18 suka tsayar domin neman kujerar shugaban ƙasa. Kamfanin Dillancin Labaran Najeriya (NAN) ya ruwaito cewa daga cikin ’yan takarar shugaban ƙasa 18, 16 maza ne, wanda ya kai kashi 88.9 cikin 100, yayin da biyu mata ne. NAN ta kuma ruwaito cewa maza da ke cikin jerin Yan takarar sun haɗa da Bola Tinubu na APC, Abubakar Atiku na Jam'iyar ADC, da Peter Obi na NDC. Sauran sun haɗa da Adewole Adebayo na Social Democratic Party (SDP),
Delhi na tsaurara tsaro gabanin taron BRICS
Babban birnin Indiya, Delhi , ya shiga cikin shirin ko-ta-kwana gabanin taron shekara-shekara na ƙungiyar ƙasashen BRICS , wanda ake sa ran zai samu halartar shugabannin ƙasashe da dama. A karon farko tun bayan da Rasha ta fara mamaye Ukraine baki ɗaya, Shugaban Rasha Vladimir Putin zai halarci taron BRICS da za a gudanar a wajen ƙasar Rasha. Rahotanni daga Delhi sun ce an shirya kafa matakan tsaro masu matakai huɗu domin kare Shugaba Putin, baya ga jami'an tsaron da za su yi aiki tare da tawagarsa. An kuma jibge dubban jami'an 'yan sanda da sojoji a sassan babban birnin, musamman a wuraren da
Rundunar Uganda ta musanta tsoma baki a rikicin gadon sarautar Tooro
Rundunar sojin Uganda ta musanta zargin cewa ta tsoma baki cikin rikicin da ya kunno kai kan wanda zai gaji marigayi Sarki Oyo Nyimba na masarautar Tooro. Mai magana da yawun rundunar ya ce sojojin ba su janye jami'an da ke gadin masarautar ba, kuma ba su tsare iyalan marigayi sarkin a cikin fadar ba. Ya ce rundunar ta ƙara tsaurara matakan tsaro a fadar ne gabanin jana'izar sarkin da za a gudanar ranar Asabar, saboda ana sa ran dubban mutane za su halarta. Jami'in ya kuma ce fadar tana kusa da iyakar gabashin Jamhuriyar Dimokuraɗiyyar Congo, yankin da ke fama da matsalolin tsaro, don haka ake
Houthis sun ƙwace wasu muhimman wurare a Bab al-Mandab
Wani jami'in sojin gwamnatin Yemen ya shaida wa kamfanin dillancin labarai na AFP cewa mayaƙan Houthi masu samun goyon bayan Iran sun kammala ƙwace dukkan yankunan da sojojin gwamnatin Yemen ke iko da su a gabar yammacin Tekun Maliya. Jami'in ya ce mayaƙan Houthi sun ƙwace tashar jiragen ruwa ta Dhubab , da tsibirin Mayun (Brim) mai muhimmanci ga ayyukan soji, baya ga tsibiran Greater Hanish da Lesser Hanish , waɗanda ke kusa da mashigar Bab al-Mandab. Rahotanni sun ce dakarun gwamnatin Yemen da ke samun goyon bayan Saudiyya sun janye daga waɗannan yankuna. A ranar Alhamis ma, mayaƙan Houthi s
Houthis sun ƙara ƙarfafa iko a mashigar Bab al-Mandab
Wasu majiyoyi biyu daga gwamnatin Yemen sun shaida wa kamfanin dillancin labarai na Reuters cewa mayaƙan Houthi sun isa garin Dhubab , da ke arewacin mashigar ruwan Bab al-Mandab. Dhubab, da ke yammacin lardin Taiz a gabar tekun Yemen, shi ne ɗaya daga cikin wuraren da suka fi kusa da tsibirin Mayun , wanda ke da muhimmiyar rawa wajen sarrafa zirga-zirgar jiragen ruwa a mashigar Bab al-Mandab. Majiyoyin sun kuma ce jiragen yaƙin Saudiyya sun kai hari kan filin jirgin saman Mocha , yayin da rahotanni ke cewa tashar jiragen ruwa ta Mocha ta faɗa ƙarƙashin ikon mayaƙan Houthi a cikin 'yan kwanaki
JNIM ta ɗauki alhakin kashe soja a Benin
Ƙungiyar Jama’at Nusrat al-Islam wal-Muslimin (JNIM) , wadda ke da alaƙa da ƙungiyar Al-Qaeda a yankin Sahel, ta yi ikirarin kashe wani soja a wani hari da ta kai kan sansanin sojoji a arewacin Benin. Wannan shi ne karo na farko cikin watanni da ƙungiyar ta yi ikirarin kai hari a Benin. JNIM ta fitar da sanarwar ikirarin ne ta kafar yaɗa labaranta ta al-Zallaqa , a tasharta ta ChirpWire, a ranar 10 ga Satumba. A cikin sanarwar, ƙungiyar ta ce a ranar 9 ga Satumba ta kai hari kan wani sansanin sojoji da ke ƙauyen Kantoro , kusa da garin Guene , a sashen Alibori. Ƙungiyar ta ce harin ya yi sanad
Gobara ta kashe yara ƴan makaranta aƙalla 24 a Congo
Mahukunta a Jamhuriyar Dimokuraɗiyyar Congo sun tabbatar da mutuwar yara ƴan makaranta aƙalla 24 sakamakon wata mummunar gobara da ta tashi a wasu makarantu biyu a birnin Bukavu da ke gabashin ƙasar. Lamarin ya janyo ruɗani sosai, yayin da aka samu rahoton mutuwar wasu manya tare da jikkatar mutane da dama da aka garzaya da su asibitoci domin samun kulawa. Rahotanni sun ce gobarar ta kuma lalata gidaje kusan 300, yayin da har yanzu hukumomi ba su gano musabbabin tashin wutar ba. Hotunan da aka yaɗa a kafafen sada zumunta sun nuna ƙananan yara kwance a asibiti, wasu na fama da raunukan ƙunar wu
Majalisar Najeriya ta dakatar da ziyarce-ziyarcen aiki zuwa Afirka ta Kudu
Majalisar Dokokin Najeriya ta dakatar da duk wasu ziyarce-ziyarcen aiki da jami’an majalisar ke yi zuwa Afirka ta Kudu, biyo bayan rahotannin hare-haren ƙyamar baƙi da ake zargin ana kai wa ’yan Najeriya da sauran ’yan Afirka a ƙasar. Majalisar ta kuma ce za ta kaurace wa duk wasu ayyukan majalisa da za a gudanar a Afirka ta Kudu har zuwa wani lokaci. A cikin wata sanarwa, Magatakardar Majalisar Dokokin Najeriya, Kamoru Ogunlana, ya bayyana cewa majalisar na matuƙar damuwa kan rahotannin kashewa, raunatawa da kuma raba ’yan Najeriya da muhallansu, tare da tilasta wa wasu barin sana’o’i, gidaje
Jigawa: Daga albarkar ruwa zuwa fargabar ambaliya
Ga mazauna yankunan da ke kusa da Kogin Hadejia da sauran wuraren da ruwa ke taruwa a Jihar Jigawa, damina lokaci ne da ke haɗa fata da fargaba . Ruwan sama na kawo albarka, domin yana cika koguna da tafkuna, yana samar da ruwa ga dabbobi, yana taimaka wa manoma wajen noma, sannan ya zama hanyar samun abinci da kuɗin shiga ga dubban iyalai. Masunta na dogaro da koguna da tafkuna wajen gudanar da sana’arsu, yayin da masu kiwo ke samun ruwa da ciyawar da dabbobinsu ke buƙata. Sai dai a gefe guda, damina na zuwa da wata babbar fargaba — ambaliya . Wannan fargabar ta sake kunno kai bayan hukumomin
Jigawa: An kama mutum bakwai da zargin safarar miyagun ƙwayoyi
Rundunar ’Yan Sandan Jihar Jigawa ta ce ta kama wasu mutane bakwai da ake zargi da safarar miyagun ƙwayoyi, tare da kwato kwayoyi daban-daban 5,916 da tubalan tabar wiwi guda biyar . Jami’in Hulɗa da Jama’a na rundunar, SP Shiisu Lawan Adam , ne ya bayyana hakan cikin wata sanarwa da ya fitar ranar Alhamis, a madadin Kwamishinan ’Yan Sandan jihar, CP Tijjani Murtala . A cewar sanarwar, an gudanar da samamen ne bisa sahihan bayanan sirri a yankunan rundunonin ’yan sanda na Kazaure, Gumel, Miga, Dutse, Sundumina, Taura, Babura, Ringim, Sara da Aujara . Rundunar ta ce daga cikin abubuwan da jami’
Jigawa za ta sake fasalin Galaxy ITT domin bunƙasa fasahar zamani
Gwamnatin Jihar Jigawa ta fara shirin sake fasalin Galaxy Information Technology and Telecommunications (Galaxy ITT) , domin mayar da kamfanin wani muhimmin ginshiƙi wajen samar da ababen more rayuwa na zamani da za su taimaka wajen bunƙasa tattalin arziki da fasahar zamani a jihar. An bayyana hakan ne yayin wani taron kwanaki uku kan sake fasalin Galaxy ITT, wanda aka gudanar a Abuja daga ranar 26 zuwa 28 ga Agustan 2026 . Taron ya mayar da hankali kan samar da ingantaccen tsari na raya fasahar zamani a Jigawa, tare da tabbatar da cewa shirin yana da ɗorewar tsarin kuɗi, gaskiya da rikon aman